రాంచరణ్ తో అనసూయ ఐటెం సాంగ్… నిజమేనా…!

May 5, 2020 / 04:56 PM IST

Join Us

‘రంగస్థలం’ సినిమాలో రాంచరణ్ నటనకి ఎంత మంచి పేరొచ్చిందో… అనసూయ నటనకి కూడా అంతే మంచిపేరు వచ్చింది. రంగమ్మత్త గా ఆమెలోని నటిని నిద్రలేపింది ఆ చిత్రం. మేనత్త – మేనల్లుడు మధ్య ఉన్న అనుబంధాన్ని ఎంతో అద్భుతంగా పండించారు అనసూయ, చరణ్ లు. ఇక వీరిద్దరూ కలిసి మరో సారి స్క్రీన్ పై కనిపించనున్నారా? అంటే అవుననే సమాధానం వినిపిస్తుంది. ఇప్పుడు రాంచరణ్ ‘ఆర్.ఆర్.ఆర్’ చిత్రంతో పాటు.. తన తండ్రి మెగాస్టార్ చిరంజీవి నటిస్తున్న ‘ఆచార్య’ చిత్రంలో నటించబోతున్నాడు.

ఈ చిత్రంలో చరణ్ పాత్ర 45 నిమిషాల వరకూ ఉంటుంది అనే వినికిడి. చరణ్ కు చెల్లి పాత్రలో నిహారిక కూడా నటించబోతుంది అని కన్ఫర్మ్ చేసింది నిహారిక. దర్శకుడు కొరటాల శివ ఈ చిత్రంలో చరణ్ పాత్రని ఎంతో స్ఫూర్తి దాయకంగా తీర్చిదిద్దుతున్నారట. ఈ చిత్రంలో గోవింద (చిరు) టీం ని ముందుకు నడిపించే విధంగా ఈ పాత్ర ఉండబోతుంది అని సమాచారం. కొరటాల ప్రతీ సినిమాలో లానే ఈ చిత్రంలో కూడా మంచి సామాజిక మెసేజ్ కూడా ఉంటుంది అని తెలుస్తుంది.

Anasuya to shake leg with Ram Charan1

అలాగే అభిమానులకి కావాల్సిన ఎలిమెంట్స్ కు కూడా లోటు ఉండదట. మెగాస్టార్ పక్కన రెజీనా ఓ స్పెషల్ సాంగ్ లో నటించింది. సినిమాలో మరో ఐటెం సాంగ్ కూడా ఉంటుందట. ఈ పాట కోసం అనసూయ ను తీసుకున్నారట. చిట్టి బాబు, రంగమ్మత్త అనే పేర్లు వచ్చేలా ఈ పాట ఉంటుందని టాక్ నడుస్తుంది. మరి ఈ వార్తలో ఎంత వరకూ నిజముందో చూడాలి.