యాంకర్ అనసూయకు కోపం కలిగించిన ప్రశ్న ఏంటి?

బుల్లితెరలోని అడల్ట్ కామెడీ షో ద్వారా హీరోయిన్ల రేంజ్ లో యాంకర్ అనసూయ అభిమానులను సంపాదించుకుంది. హైట్ గా ఉండే ఈ భామ షార్ట్ డ్రస్సులు వేసుకొని యాంకరింగ్ చేస్తుంటే కుర్రోళ్లంతా టీవీలకు అతుక్కుపోయారు. ఆ క్రేజ్ తో అనేక సినిమా ఆఫర్లు వచ్చినా ఆమె వాటిని తిరస్కరించింది. అత్తారింటికి దారేది సినిమాలో పవన్ కళ్యాణ్ తో ఆడిపాడే ఛాన్స్ వచ్చిన వదులుకుంది. అటువంటి హాట్ భామ మన్మధుడు నాగార్జున పిలవగానే సోగ్గాడే చిన్నినాయనా చిత్రంలో డ్యాన్సులతో దుమ్మురేపింది. క్షణం సినిమాలో విలన్ గా నటించి ఆకట్టుకుంది. ప్రస్తుతం అనసూయ విన్నర్ సినిమాలో స్పెషల్ సాంగ్ చేసింది.

మెగా హీరో సాయి ధరమ్ తేజ్ “అనసూయ.. అనసూయ” అని వెంటపడే పాటను రీసెంట్ గా విదేశాల్లో షూట్ చేశారు. ఈ చిత్రీకరణ ముగించుకొని హైదరాబాద్ కి వచ్చిన జబర్దస్త్ యాంకర్ అభిమానులతో సోషల్ మీడియా వేదికపై ముచ్చటించింది. వారు అడిగిన ప్రశ్నలకు ఓపిగ్గా సమాధానాలు చెప్పింది. అయితే ఒక అభిమాని మీరు ఐటెం సాంగ్ చేస్తున్నారా? అని అడిగేసరికి అనసూయకు ఎక్కడలేని కోపం వచ్చింది. అతనిపై ఆగ్రహం వ్యక్తం చేసింది. “మేము ఎంతో కష్టపడి స్పెషల్ సాంగ్ చేస్తే.. దాన్ని చీప్ గా ఐటెం అంటారా? ” అంటూ ఆగ్రహాన్ని వెళ్లగక్కింది. ఐటెం సాంగ్ చేస్తూ అలా పిలిచినందుకు కోప్పడ్డ అనసూయను చూసి.. ఏంటో ఈ విడ్డూరం అంటూ నెటిజనులు నవ్వుకుంటున్నారు.

Also, do SUBSCRIBE to our YouTube channel to get latest Tollywood updates.