అందుకే ‘కథనం’ సినిమా చేశాను : అనసూయ

‘జబర్దస్త్’ షోలో తన గ్లామర్ తో కుర్రకారుకి సైతం నిద్ర లేకుండా చేసి మంచి ఫాలోయింగ్ ను సొంతం చేసుకుంది హాట్ యాంకర్ అనసూయ. ఓ వైపు బుల్లితెర పై యాంకర్ గా చేస్తూనే మరోపక్క తనకు సూటయ్యే క్యారెక్టర్స్ ను ఎంచుకుని సినిమాల్లో కూడా రాణిస్తుంది. ‘సోగ్గాడే చిన్ని నాయన’ ‘క్షణం’ ‘రంగస్థలం’ ‘ఎఫ్2’ ‘యాత్ర’ వంటి చిత్రాల్లో నటించి మంచి పేరు సంపాదించుకుంది. ఆ చిత్రాలు సక్సెస్ అవ్వడం.. ఈమె పాత్రకు కూడా మంచి స్పందన లభించడంతో అదే ఉత్సాహంతో సినిమాలు చేస్తూ వస్తుంది. ఇప్పుడు అనసూయ ప్రధాన పాత్రలో తెరకెక్కిన చిత్రం ‘కథనం’.

ఈ చిత్రం ప్రమోషన్లలో భాగంగా ఇచ్చిన ఇంటర్వ్యూలో అనసూయ… ‘ఈ చిత్రం కోసం ఏకంగా 12 రిజెక్ట్ చేశానంటూ’ ఆసక్తికరమైన కామెంట్లు చేసింది. అనసూయ మాట్లాడుతూ.. ” ‘కథనం’ చిత్రం చేయడానికి ముందు 12 కథల్ని విన్నాను. కానీ అవేమి నచ్చక రిజెక్ట్ చేశాను. ఈ సినిమా ఎందుకు చేసాను అనేది.. సినిమా చూస్తే అర్ధమవుతుంది. ఇది కాకుండా మరో సినిమా కూడా చేశాను. అదొక డిఫటెంట్ ఎక్స్ పీరియన్స్. ఆ సినిమా కూడా త్వరలోనే థియేటర్స్ కి రాబోతుంది. అంతకంటే ఆ సినిమా గురించి ఇప్పుడు ఏం చెప్పలేను. అన్ని వివరాలు ప్రొడక్షన్ హౌస్ నుండీ వస్తాయి. ‘కథనం’ సినిమాలో నేను ప్రధాన పాత్ర పోషించినప్పటికీ ఇంకా చాలా మంది నటీ నటులు పనిచేశారు. అయితే ప్రేక్షకులను థియేటర్స్ కి రప్పించే భాద్యత మాత్రం నామీదే ఉంది. అందుకే మీడియా ముందుకొచ్చాను. సినిమా చూసాక సోషల్ మీడియా ద్వారా నన్ను ట్యాగ్ చేస్తూ ‘ఫీడ్ బ్యాక్’ ఇవ్వాలి” అంటూ కోరింది.