Anasuya: ఆంథాలజీ కథలో అనసూయ!

యాంకర్ అనసూయ తన సినిమాల విషయంలో చాలా సెలెక్టివ్ గా ఉంటారు. కథలు, పాత్రల ఎంపిక విషయంలో ఆమె చాలా పర్టిక్యులర్ గా ఉంటుంది. కేవలం రెమ్యునరేషన్ కోసం సినిమాలు చేయనని.. టీవీల ద్వారా చాలానే సంపాదిస్తున్నానని.. సినిమాల ద్వారా మంచి గుర్తింపును మాత్రమే కోరుకుంటున్నానని చెప్పుకొచ్చింది. తాజాగా ఆమె మరో సినిమా అంగీకరించినట్లు తెలుస్తోంది. గతంలో ‘పేపర్ బాయ్’, విటమిన్ షి’ వంటి సినిమాలతో దర్శకుడిగా ప్రేక్షకులను అలరించిన జయశంకర్..

ఇప్పుడు మరో డిఫరెంట్ కాన్సెప్ట్ తో ఈ సినిమాను తెరకెక్కిస్తున్నారు. ఇదొక ఆంథాలజీ ఫిల్మ్. ఆరు కథలతో ఈ సినిమాను రూపొందించబోతున్నారు. అందులో అనసూయ స్టోరీ ఒకటి. ఇందులో అనసూయ ఎయిర్ హోస్టెస్ గా కనిపించనుందని సమాచారం. ఈ మొత్తం ఆరు కథల్లో అనసూయ కథ హైలైట్ గా నిలవబోతుందని చెబుతున్నారు. వచ్చే నెల అనసూయ ఈ సినిమా సెట్స్ లో జాయిన్ అవుతుందట.

గతంలో ‘క్షణం’, ‘రంగస్థలం’ సినిమాలతో వెండితెరపై తన సత్తా చాటిన అనసూయ ప్రస్తుతం ‘పుష్ప’ సినిమాలో నటిస్తోంది. అలానే మరికొన్ని సినిమాలు చర్చల దశల్లో ఉన్నట్లు తెలుస్తోంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!