హాట్ యాంకర్ అనసూయ ఇటీవల “ఎఫ్ 2” సినిమాలో ఓ స్పెషల్ సాంగ్ లో మెరిసిన విషయం తెలిసిందే. సినిమాల ఎంపిక విషయంలో చాలా జాగ్రత్తగా వ్యవహరిస్తున్న అనసూయ.. తాజాగా మరో సినిమా సైన్ చేసిందని తెలుస్తోంది. “పెళ్ళిచూపులు, ఈ నగరానికి ఏమైంది?” చిత్రాల దర్శకుడు తరుణ్ భాస్కర్ ను హీరోగా విజయ్ దేవరకొండ నిర్మించనున్న ఇంకా పేరు పెట్టని చిత్రంలో కథానాయికగా అనసూయను ఫైనల్ చేశారని తెలుస్తోంది.
విజయ్ దేవరకొండ ప్రారంభించిన సొంత నిర్మాణ సంస్థ “కింగ్ ఆఫ్ ది హిల్” బ్యానర్ పై రూపొందనున్న మొదటి సినిమా ఇది. చాలా క్రేజీ సబ్జెట్ తో తెరకెక్కనున్న ఈ చిత్రంలో అనసూయ హీరోయిన్ అనేసరికి నిన్నమొన్నటివరకూ లేని అంచనాలు ఒక్కసారిగా పెరిగిపోయాయి. షామీర్ అనే యువకుడు దర్శకుడిగా పరిచయం కానున్న ఈ చిత్రం మరో రెండు నెలల్లో రెగ్యులర్ షూట్ కి వెళ్లనుంది. ఇకపోతే.. అనసూయ ఇటీవల ఓ భారీ ఆఫర్ ను రిజెక్ట్ చేసినట్లు వస్తున్న వార్తల్లో నిజమెంతో తెలియదు కానీ.. ఆ భారీ ప్రొజెక్ట్ ను రిజెక్ట్ చేసి మరీ ఈ చిన్న సినిమా ఒకే చేయడానికి రీజన్ ఏమిటో రంగమ్మత్తే చెప్పాలి.
