చేదు అనుభవాన్ని గుర్తుచేసుకున్న యాంకర్ ఝాన్సీ

బుల్లి తెర పై టాప్ యాంకర్ గా ఓ వెలుగు వెలిగిన ఝాన్సీ ప్రస్తుతం సినిమాల్లో చిన్న పాత్రల్లో మెరుస్తోంది. ఆమెను ఓ వ్యక్తి తాకరాని చోట తాకాడట. ఈ విషయాన్నీ ఝాన్సీ తాజాగా ఇచ్చిన ఓ ఇంటర్వ్యూ లో వెల్లడించింది. “నేను పరిశ్రమలోకి వచ్చిన కొత్తల్లో ఓ కాస్ట్యూమ్ డిజైనర్ నన్ను చెప్పుకోలేని చోట తాకాడు. నేను అప్పుడు కోపాన్ని ఆపుకోలేక పోయాను. నోటికి వచ్చినట్లు తిట్టేశాను” అని చెప్పింది. అప్పుడు ఝాన్సీ వయసు పద్దెనిమిదేళ్లు. ఆ వయసులోనే భయపడకుండా తప్పు చేసిన వ్యక్తిని అందరి ముందు నిలబెట్టినట్లు వివరించింది.

ఇంకా ఆమె మాట్లాడుతూ ” విప్లవ నటుడు ఆర్ . నారాయణమూర్తి తో కూడా నాకు విభేదాలు ఉన్నాయి. సినిమాలో నా క్యారెక్టర్ ని చంపేసి అవమానించాడు. ఎందుకని అడిగితే నేను సెట్లో అందరితో నవ్వుతూ ఉన్నానని, కోపముతో అలా చేసానని చెప్పాడు. అందుకే అప్పటి నుండి ఇప్పటి వరకు నేను అతడితో మాట్లాడటం లేదు” అని వెల్లడించింది. మహిళలను తక్కువ చేసి మాట్లాడే మనుషులన్నా, సినిమాలో క్యారక్టర్స్ అన్నా తనకి ఇష్టముండదని స్పష్టం చేసింది. భర్త జోగి నాయుడు కి విడాకులు ఇచ్చి పాపతో బతుకున్న ఈమె ప్రస్తుతం మహిళలను చైతన్య పరిచే టీవీషోలు చేస్తోంది.

Also, do SUBSCRIBE to our YouTube channel to get latest Tollywood updates.