రవి అసభ్యకరమైన ప్రవర్తనతో షాకైన వరుణ్..!

‘బిగ్ బాస్ సీజన్3’ ముగిసి రెండు వారాలు పూర్తికావస్తోంది. హౌసెమెంట్స్ అంతా కూడా పార్టీలు చేసుకుంటూ.. అలాగే కొన్ని ఇంటర్వ్యూలలో కూడా పాల్గొంటున్నారు. ఇక ఈ సీజన్లో మంచి స్నేహితులుగా మారిన వరుణ్ అండ్ వితిక, పునర్నవి, రాహుల్.. ఇటీవల యాంకర్ రవి ఏర్పాటు చేసిన ఇంటర్వ్యూలో పాల్గొన్నారు. ఈమధ్యే యాంకర్ రవి సొంతంగా యూట్యూబ్ ఛానెల్ మొదలుపెట్టిన సంగతి తెలిసిందే. ఇందులో భాగంగా వరుణ్ అండ్ బ్యాచ్ ను ఇంటర్వ్యూ చేసాడు రవి.

ఈ ఇంటర్వ్యూలో భాగంగా.. వరుణ్ ను కొన్ని అసభ్యకరమైన ప్రశ్నలు అడిగి ఇబ్బంది పెట్టాడు రవి.వివరాల్లోకి వెళితే.. ఈ ఇంటర్వ్యూలో ‘బిగ్ బాస్’ అవతారమెత్తిన రవి ఎవ్వరికీ కనిపించకుండా తన వాయిస్ వినిపిస్తూ మాట్లాడాడు. ‘బిగ్ బాస్’ టాస్క్ లలో మాదిరి ఫోన్ బూత్ ను ఏర్పాటు చేసి ఒక్కో కంటెస్టంట్ ని ఫోన్ లిఫ్ట్ చేయమని చెబుతూ వారితో ఫోన్లో మాట్లాడాడు. ఈ క్రమంలో వరుణ్ ని ‘ ‘బిగ్ బాస్’ హౌస్ లో బెడ్ రూమ్ లో ఎన్నిసార్లు ‘కంట్రోల్.. కంట్రోల్ ‘అని అనుకున్నావ్ అంటూ వరుణ్ ను అడిగాడు రవి. ఈ ప్రశ్నతో షాక్ లో ఉన్న వరుణ్.. ‘మీరేం మాట్లాడుతున్నారో నాకర్ధం కావడం లేదని’ అన్నాడు. అయినప్పటికీ రవి ‘మీకు అర్ధమైంది నాకు తెలుసు’ అంటూ కామెంట్ చేసాడు. ‘మనది ఫ్యామిలీ షో కదా’ అంటూ వరుణ్ కవర్ చేసినా .. రవి మాత్రం పదే పదే అదే ప్రశ్న అడిగాడు. ‘నాకు అలా ఎప్పుడూ అనిపించలేదు.. మేము టాస్క్ ఆడడానికి హౌస్ లోకి వెళ్ళాము .. ‘హనీమూన్’ కి కాదు’ అంటూ ఘాటుగా సమాధానమిచ్చాడు వరుణ్. ఈ విషయం పై వరుణ్ అభిమానులు రవి పై ట్రోలింగ్ మొదలు పెట్టారు. ‘తన బెడ్ రూమ్.. విషయాలు నీకెందుకు రవి’.. ‘నీకు సెన్స్ లేదా రవి’ అంటూ రవి పై మండిపడుతున్నారు నెటిజన్లు.

తెనాలి రామకృష్ణ బిఏ బిఎల్ సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!