యాంకర్ సుమ, సింగర్ సునీత.. ఇద్దరూ కూడా టాలీవుడ్ కి పిల్లర్స్ లాంటివాళ్ళు. సుమ ప్రతి సినిమా ప్రమోషన్ కి చాలా అవసరం. ఆమె ఉంటేనే ఏ సినిమా ఈవెంట్ కి అయినా ఓ కళ ఏర్పడుతుంది. బుల్లితెరపై కూడా సుమకి భీభత్సమైన క్రేజ్ ఉంది. ఫ్యామిలీ ఆడియన్స్..లో కూడా సుమకి ఉన్న క్రేజ్ అంతా ఇంతా కాదు. సరిగ్గా చూసుకుంటే సునీత కూడా అంతే..! సింగర్ గా ఆమె ఎన్నో అద్భుతమైన పాటలు పాడింది. రొమాంటిక్ సాంగ్స్, ఫీల్ గుడ్ సాంగ్స్ కి సునీత తన గాత్రంతో ప్రాణం పోస్తుంది అని అంతా భావిస్తారు. అంతేకాదు ఈమె ఎన్నో సినిమాల్లో హీరోయిన్లకి డబ్బింగ్ కూడా చెప్పింది. బుల్లితెరపై కూడా సునీతకి మంచి క్రేజ్ ఉంది.
ఇప్పుడు వీరిద్దరికీ కూడా ఒకే రకమైన పని పడింది. అదే తమ కొడుకుల సినీ కెరీర్ ను చక్కబెట్టడం. అవును. సుమ కొడుకు రోషన్ కనకాల, సునీత కొడుకు ఆకాష్..లు హీరోలుగా పరిచయమవుతున్నారు. ‘బబుల్‌గమ్’ చిత్రంతో సుమ కొడుకు రోషన్, ‘సర్కారు నౌకరి’ చిత్రంతో సునీత కొడుకు ఆకాష్..లు హీరోలుగా ఎంట్రీ ఇస్తున్నారు. డిసెంబర్ 29న ‘బబుల్‌గమ్’ , 2024 జనవరి 1న ‘సర్కారు నౌకరి’ చిత్రాలు రిలీజ్ కాబోతున్నాయి. అంటే ఇద్దరి సినిమాలు ఒకే టైంలో.. పేరుకు మాత్రమే సంవత్సరాలు మారుతున్నాయి. దీంతో రోషన్, ఆకాష్..ల కంటే కూడా సుమ, సునీత..లే ఎక్కువ టెన్షన్ పడుతూ.. తెరవెనుక అంతా తామై నడిపిస్తున్నట్టు సమాచారం.
సుమ (Suma) కొడుకు రోషన్ నటించిన ‘బబుల్‌గమ్’ చిత్రానికి కొంతలో కొంత బజ్ ఉంది.దర్శకుడు రవికాంత్ పేరెపు తెరకెక్కిన గత చిత్రాలు ‘క్షణం’ ‘కృష్ణ అండ్ హిజ్ లీల’ డీసెంట్ సక్సెస్ అందుకున్నాయి. సో ‘బబుల్‌గమ్’ కి అదో ప్లస్ పాయింట్. కానీ సునీత కొడుకు ఆకాష్ నటించిన ‘సర్కారు నౌకరి’ పై పెద్దగా బజ్ లేదు. గంగనమోని శేఖర్ ఈ చిత్రానికి దర్శకుడు. మొదట ఈ సినిమాని నేరుగా ఓటీటీలో రిలీజ్ చేయాలి అనుకున్నారట.
కానీ ఓటీటీ సంస్థలు ముందుకు రాకపోవడంతో.. ఇప్పుడు జనవరి 1న థియేటర్లలో రిలీజ్ చేయడానికి రెడీ అయ్యారు. సో పాస్ మార్కులు వేయించుకునే అవకాశం సునీత కొడుకు ఆకాష్..కి కంటే సుమ కొడుకు రోషన్ కే ఎక్కువ ఉంది అని చెప్పాలి.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
