సుమతో స్పోర్ట్స్ కామెంటరీ చెప్పించారా..?

February 27, 2021 / 12:50 PM ISTByFilmy Focus

Join Us

సుమతో స్పోర్ట్స్ కామెంటరీ చెప్పించారా..?

బుల్లితెర మహారాణిలా వెలుగొందుతోంది యాంకర్ సుమ. ఎలాంటి టీవీ షోలు చేయాలన్నా, సినిమా ఫంక్షన్లు నిర్వహించాలన్నా.. సుమ ఉండాల్సిందే. భారీ బడ్జెట్ సినిమాల ఈవెంట్లన్నీ కూడా సుమ హోస్ట్ చేయాల్సిందే. ఆమె డేట్స్ చూసుకొని మరీ ఈవెంట్స్ నిర్వహిస్తుంటారు. తెలుగునాట ఆమెకి అంత పాపులారిటీ ఉంది. ఈమెకి కుదరకనో.. లేక రెమ్యునరేషన్ సెట్ అవ్వకపోతేనో తప్ప అవకాశాలు వేరేవాళ్లకు రావు. చాలా కాలంగా బుల్లితెరకి మాత్రమే పరిమితమైన ఈమె ఇప్పుడు ఓ సినిమా కోసం పని చేస్తుందని తెలుస్తోంది.

గతంలో ఒకట్రెండు సినిమాల్లో నటించిన సుమని సందీప్ కిషన్ సినిమా కోసం ఎంపిక చేసుకున్నట్లు తెలుస్తోంది. జీవన్ అనే దర్శకుడు రూపొందిస్తోన్న ‘ఏ1 ఎక్స్ ప్రెస్’ సినిమా హాకీ నేపథ్యంలో సాగుతుంది. ఈ సినిమా క్లైమాక్స్ లో సుమారుగా 20 నిమిషాల పాటు హాకీ మ్యాచ్ ఉంటుంది. ఈ మ్యాచ్ కు సహజంగానే కామెంటరీ అవసరం పడింది. ఈ కామెంటరీని సుమతో చెప్పించారట. అయితే సుమతో చెప్పించారంటే.. ఇదేదో ఫన్నీగా, వెటకారంగా ఉంటుందని అనుకోవద్దు.

కామెంటరీ మొత్తం కూడా సీరియస్ గా సాగుతుందట. సుమతో పాటు కామెంటరీ బాక్స్ లో వైవా హర్ష కూడా ఉంటాడట. మరి సినిమాలో సుమ గొంతు మాత్రమే వినిపిస్తారో.. లేక ఆమెని కూడా చూపిస్తారో తెలియాల్సివుంది.