ఈ మధ్యకాలంలో దర్శకులు కూడా నిర్మాతలుగా మారుతుండడం చూస్తూనే ఉన్నాం. స్టార్ డైరెక్టర్లు చిన్న, మీడియం బడ్జెట్ సినిమాలను ప్రొడ్యూస్ చేయడంతో పాటు సినిమాలకు రచనా సహకారం అందించడం వంటివి చేస్తున్నారు. రాజమౌళి, త్రివిక్రమ్, సుకుమార్, పూరి జగన్నాధ్ ఇలా చాలా మంది దర్శకులు ఈ తరహ ప్రయత్నాలు చేశారు. ఇప్పుడు ఈ లిస్ట్ లోకి మరో దర్శకుడు చేరబోతున్నాడు. ఈ మధ్యకాలంలో వరుస విజయాలతో దూసుకుపోతున్న దర్శకుడు అనీల్ రావిపూడి కూడా ఓ సినిమాకి సమర్పకుడిగా మారి, రచనా సహకారం కూడా అందించాడు.
ఆ సినిమా పేరు ‘గాలి సంపత్’. సీనియర్ నటుడు రాజేంద్రప్రసాద్, శ్రీవిష్ణు ప్రధాన పాత్రలు పోషిస్తున్న సినిమా ఇది. తాజాగా ఈ సినిమా ఫస్ట్ లుక్ ని లాంచ్ చేశారు. సైన్ స్క్రీన్స్ అధినేతలు సాహు గారపాటి, హరీష్ పెద్దిలతో కలిసి ఎస్.కృష్ణ ఈ సినిమాను నిర్మిస్తున్నారు. ఈ ముగ్గురూ అనీల్ రావిపూడికి మంచి స్నేహితులు. ఈ క్రమంలో అనీల్ కూడా ఈ ప్రాజెక్ట్ లో నిర్మాణ భాగస్వామిగా మారారు. అలానే ఈ సినిమాని స్క్రీన్ ప్లే కూడా అందిస్తున్నట్లు తెలుస్తోంది.
సాయి అనే రచయిత కథ అందించగా.. అనీష్ కృష్ణ ఈ సినిమాను డైరెక్ట్ చేయబోతున్నారు. సినిమాలో ‘గాలి సంపత్’ అనే పాత్రని రాజేంద్రప్రసాద్ పోషించబోతున్నారట. ఆయన పేరునే సినిమా టైటిల్ గా పెట్టారు. ఇలా సీనియర్ నటుడికి టైటిల్ రోల్ ఇవ్వడం బట్టి చూస్తుంటే ఇదేదో విభిన్న ప్రయత్నంలా అనిపిస్తోంది. ఇలాంటి కథకి అనీల్ కథనం అందించడం విశేషం.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
