Chiranjeevi: చిరు గురించి మహేష్‌ ఆ మాట అనగానే… ఇక రోజూ వెళ్లాను: అనిల్‌ సుంకర

అనిల్‌ సుంకర… నిర్మాతగా భారీ సినిమాలు తీశారు, అదిరిపోయే విజయాలు కూడా అందుకున్నారు. అయితే దర్శకుడిగా ఆయన చేసిన ‘యాక్షన్‌ త్రీడీ’ ఇబ్బంది పెట్టింది. అయితే నిర్మాతగా ఆయన స్టైల్‌ వేరుగా ఉంటుంది అని అంటుంటారు టాలీవుడ్‌లో. సినిమా షూటింగ్‌ జరుగుతున్నన్ని రోజులు ఆయన సెట్స్‌లో ఉంటారని టాక్‌. అలా ఒకవేళ ఆయన అందుబాటులో లేకపోతే తొలి షాట్‌ అవ్వగానే సమాచారం ఇవ్వమని అడుగుతారట. దీని గురించి తాజాగా ఆయన ఓ ఇంటర్వ్యూలో చెప్పుకొచ్చారు. ఇప్పడు ఆ మాటలు వైరల్‌గా మారుతున్నాయి.

మహేశ్‌బాబుతో సినిమా చేస్తున్నప్పుడు అనిల్ సుంకర ఆయనతో పాటే సెట్‌లోనే ఉండేవారట. మహేశ్‌కి, తనకు మధ్య అలాంటి బంధం ఉంది అని చెబుతుంటారయన. అయితే మిగిలిన సినిమాల చిత్రీకరణలకి పెద్దగా వెళ్లేవారు కాదట. అయితే ‘భోళాశంకర్‌’ సినిమా చేస్తున్నప్పుడు మహేశ్‌ ఓ మాట చెప్పాడట. ‘ఓ హీరోగా చెబుతున్నా. రోజూ మీరు సెట్‌లో ఉండాలి. నిర్మాత సెట్లో ఉంటే చిరంజీవి ఆనందపడతారు’ అని అన్నారట. ఆ మాట తర్వాత రోజూ సెట్‌కి వెళ్లేవాణ్ని అని అనిల్‌ సుంకర చెప్పారు.

చిరంజీవితో (Chiranjeevi) సినిమా చేయడం మరపురాని ప్రయాణం అయ్యిందని ఆనందంగా చెప్పుకొచ్చారు అనిల్‌ సుంకర. సినిమా షూటింగ్‌ జరుగుతున్న సమయంలో ఒక్క రోజూ కూడా వృథా కాలేదనిపించింది. చిరంజీవి సినిమాలో లీనమయ్యే విధానం గొప్పగా ఉంటుంది. తద్వారా ఆయన నుండి అనేక విషయాలు తెలసుకున్నాను. అంతేకాదు నిర్మాణ వ్యయాన్ని నియంత్రించడంలో చిరంజీవికి ఉన్న స్పష్టత ఎవ్వరికీ ఉండదేమో అని అన్నారు అనిల్‌ సుంకర.

జయాపజయాలు ప్రతి ఒక్కరికీ సహజం. సినిమాల విషయంలోనూ ఇంతే. ఏ సినిమాకి ఆ సినిమా అనేలా ఉండాలి. అప్పుడే కొత్త ప్రయాణం మొదలవుతుంది. గత సినిమాల కంటే ప్రస్తుతం తీస్తున్న సినిమా ఎలా వచ్చిందనేదే ముఖ్యం అని భావిస్తుంటాను అని అనిల్‌ సుంకర చెప్పారు. ఆయన సినిమాలకు నిర్మాణ వ్యయం పెరుగుతోందని ఇటీవల కామెంట్లు వచ్చిన విషయం తెలిసిందే. ఆ నేపథ్యంలోనే ఈ కామెంట్లు చేశారు.

ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!

రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!