అనిరుథ్‌ సంగీతంలో ఏదో మ్యాజిక్‌ ఉంది. అందుకే సినిమా సినిమాకు అతను కొత్త కొత్త ట్యూన్లు, బ్యాగ్రౌండ్‌ మ్యూజిక్‌ ఇస్తూ ఉంటాడు. అందుకే అనిరుథ్‌ నుండి ఓ పాట వస్తుంది అంటే… అభిమానులు హెడ్‌ఫోన్స్‌ వాల్యూమ్‌ పెంచి మరీ రెడీగా ఉంటారు. ఫిబ్రవరి 14న అనిరుథ్‌ ఫ్యాన్స్ మరోసారి ఈ పని చేయాల్సి వస్తుంది. అంతేకాదు వచ్చే పాటను లూప్‌లో పెట్టుకోవడమూ చేయాల్సిందే. ఎందుకంటే ఆ పాట టీజర్‌లో ఓ నాలుగు సెకన్లు వింటేనే ఊపు మామూలుగా లేదు.
విజయ్‌ – నెల్సన్‌ దిలీప్‌ కాంబినేషనల్‌లో రూపొందుతున్న చిత్రం ‘బీస్ట్‌’. ఏప్రిల్‌ 14న సినిమాను విడుదల చేయడానికి సన్నాహాలు చేస్తున్నారు. ఈ సినిమాకు అనిరుథ్‌ సంగీతమందిస్తున్న విషయం తెలిసిందే. అందులోని తొలి గీతాన్ని ఫిబ్రవరి 14న విడుదల చేస్తున్నారు. దీనికి సంబంధించి ప్రోమోను చిత్రబృందం విడుదల చేసింది. ప్రోమో అంటే పాటలో పది, పదిహేను సెకన్ల బిట్‌ మాత్రమే కాదు. ఓ ఆరు నిమిషాలు ఉంది ఆ ప్రోమో. పాట ఆలోచన ఎలా వచ్చింది, తర్వాత ఏం చేశారు, విన్నాక విజయ్‌ ఏమన్నాడు అనేది ప్రోమో.
పాట ఫుల్‌ మాస్‌ బీట్‌ అనేది పక్కాగా ఎక్స్‌పెక్ట్‌ చేయొచ్చు. ‘మాస్టర్’లో ‘వాతి కమింగ్‌…’ పాటను ఇంకా ఫ్యాన్స్ మరచిపోలేదు. ఆ ఊపులో ఇంకా ఊగుతూనే ఉన్నారు. ఇప్పుడు దాన్ని మించి ఈ పాట ఉండేలా ఉంది. ఈ పాట స్టైల్‌ అరబిక్‌ – కుతు. ఇదేంటి అనుకుంటున్నారా? ఈ మాట విన్న అందరూ ఇదే ప్రశ్న వేస్తున్నారు. అరబిక్‌ అంటే మీకు తెలుసు. కుతు అంటే తమిళనాటు మాస్‌ డ్యాన్స్‌. ఈ రెండింటిని కలిపి చేస్తే పాట ఎలా ఉంటుంది అనేదే ఇప్పుడు అనిరుథ్‌ ప్రయోగం.
ఈ పాటకు మరో ప్రత్యేకత కూడా ఉంది. ఈ పాటను యువ కథానాయకుడు శివకార్తికేయన్‌ రచించాడు. శివకార్తికేయన్‌కి అరబిక్‌ వచ్చా అంటే… ఏమో మరి. కానీ పాట హుక్‌ లైన్‌ మాత్రం అదిరిపోయింది. హలమితి హబీబో… అంటూ పాట స్టార్ట్‌ అవుతోంది. పూర్తి పాట వినాలంటే వాలెంటైన్స్‌ డే వరకు ఆగాల్సిందే. చూద్దాం అనిరుథ్‌ ఈ సారి ఏం మాయ చేస్తాడో.
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
