దర్శకనిర్మాతలకు బంపర్ ఆఫర్ ఇస్తున్న అంజలి జవేరి.!

సినీ పరిశ్రమలో అడుగుపెట్టే నటీనటులు ప్రతి ఒక్కరూ మంచి రోల్స్ కావాలని కోరుకుంటారు. అది సహజం. పైగా అది అవసరం. మంచి పాత్రలు చేస్తే పేరు వస్తుంది. మంచి పేరు వస్తేనే మంచి రెమ్యునరేషన్ అందుకోవచ్చు. కొత్తగా వచ్చే వారికి ఈ కోరిక ఉండడంలో పెద్ద విశేషం లేదు. కానీ ఇదివరకే హీరోయిన్ గా అనేక కమర్షియల్ హిట్స్ అందుకున్న అంజలా ఝవేరి ప్రస్తుతం ఇలాంటి కొరికే కోరుతోంది. ప్రేమించుకుందాం రా, సమరసింహారెడ్డి, చూడాలని ఉంది లాంటి సూపర్ హిట్ సినిమాల్లో హీరోయిన్ గా నటించిన ఈ బ్యూటీ ఆ తర్వాత శంకర్ దాదా ఎంబీబీఎస్ వంటి చిత్రాల్లో గెస్ట్ రోల్ చేసింది.

పెళ్లి చేసుకున్న తర్వాత కూడా లైఫ్ ఈజ్ బ్యూటీఫుల్ సినిమాలో అందమైన రోల్ తో రీ ఎంట్రీ ఇచ్చింది. అయితే ఈ మధ్య అలనాటి హీరోయిన్స్ మంచి పాత్రలతో రీ ఎంట్రీ ఇస్తున్నారు. నదియా, భూమిక, సిమ్రాన్ లు రీ ఎంట్రీలోను మంచి పేరు తెచ్చుకుంటున్నారు. అందుకే అంజలా జవేరి కూడా మంచి అవకాశాలు కోసం ఎదురుచూస్తోంది. అవార్డులు వచ్చే క్యారెక్టర్స్ ఉంటే చెప్పండి.. నటిస్తానని తెలుగు దర్శకనిర్మాతలకు బంపర్ ఆఫర్ ఇస్తోంది. మంచి కథ అయితే తక్కువరేమ్యునరేషన్ కే నటిస్తానని చెబుతోంది. మరి ఈ అవకాశాన్ని ఏ దర్శకుడు వినియోగించుకుంటారో చూడాలి.