తెలుగులో అవకాశాల కోసం సన్నబడిన అంజలి

తెలుగు భామ అంజలి తమిళంలో నటిగా నిరూపించుకొని టాలీవుడ్ లోకి వచ్చింది. ఇక్కడ యువ హీరోలతో పాటు వెంకటేష్, బాలకృష్ణ వంటి సీనియర్ హీరోలతోనూ కలిసి నటించింది. గీతాంజలి వంటి హీరోయిన్ ఓరిటెంటెడ్ సినిమాలోను నటించి విజయాన్ని అందుకుంది. అయితే కొంచెం బరువు పెరగడంతో హీరోయిన్ అవకాశాలు ఇచ్చేవాళ్ళు కరువయ్యారు. అందుకే సరైనోడు చిత్రంలో బ్లాక్ బస్టర్ అంటూ చిందులేసింది. ఆ తర్వాత తెలుగు దర్శకనిర్మాతలు ఆమెను పట్టించుకోలేదు. దీంతో కోలీవుడ్ కే పరిమితమైంది. అంజలి ప్రస్తుతం కాళి, కన్బదు పోయ్, నాదోడిగల్ 2 సినిమాల్లో నటిస్తోంది. పెరంబు అనే మలయాళం సినిమా విడుదలకు సిద్ధంగా ఉంది.

అయినా ఇవి ఆమెకు సంతృప్తి ఇవ్వలేదు. అందుకే బరువు తగ్గింది. యువ హీరోయిన్స్ కి పోటీగా అందాన్ని పెంచింది. అంజలి లేటెస్ట్ ఫోటోలు యువతని ఆకట్టుకుంటున్నాయి. బ్లాక్ డ్రెస్ లో తెలుగు బ్యూటీ ఆకర్షిస్తోంది. ఈ దెబ్బతో తప్పకుండా అంజలికి తెలుగు సినీ అవకాశాలు వెల్లువెత్తుతాయని సినీ విశ్లేషకులు భావిస్తున్నారు. డైరక్టర్ ప్రవీణ్ సత్తారు గుంటూర్ టాకీస్ 2 లో అవకాశం ఇస్తానని చెప్పడంతో అంజలి ఈ స్లిమ్ లుక్ సాధించిందని కొంతమంది చెబుతున్నారు. అంజలి బరువు తగ్గించి హీట్ పుట్టిస్తుందిగా.. ఇక సినిమా మొదలు కావడం ఖాయం.