తెలుగు అమ్మాయిలకు తెలుగు సినిమాల్లో అవకాశాలు రావడం చాలా కష్టం అని అంటుంటారు. ఈ మాట చాలా ఏళ్లుగా మనం వింటూనే ఉన్నాం. ఈ మాట వినిపించినప్పుడల్లా ఎందుకు కష్టం, మిగిలిన హీరోయిన్లకు వీళ్లకు ఉన్న తేడా ఏంటి అంటూ ఏవేవో చర్చలు వినిపిస్తూనే ఉంటాయి. అయితే ఇటీవల తెలుగు అమ్మాయి (?) శ్రీలీల వరుస ఛాన్స్‌లు కొట్టేస్తుండటంతో ఆ టాపిక్‌ వేరే టర్న్‌ తీసుకుంది. శ్రీలలా వేరే అమ్మాయిలు ఎందుకు ఛాన్స్‌లు సంపాదించలేకపోతున్నారు అని.
తాజాగా ఈ మాట ఏకంగా మరో తెలుగమ్మాయి, సీనియర్‌ హీరోయిన్‌ అయిన అంజలి దగ్గర వచ్చింది. ఆమె ప్రధాన పాత్రలో తెరకెక్కుతున్న సీక్వెల్‌ చిత్రం ‘గీతాంజలి మళ్లీ వచ్చింది’ ప్రచారం కోసం ఇటీవల అంజలి మీడియా ముందుకు వచ్చింది. ఈ క్రమంలో ఆమెను ఓ రిపోర్టర్‌ ఈ విషయాన్ని అడిగారు. దానికి అంజలి ఇచ్చిన సమాధానం ఇప్పుడు సోషల్‌ మీడియాలో వైరల్ అవుతోంది. శ్రీలీలకు వచ్చిన తరహాలో మీకు బ్రేక్‌ రాలేదా అంటూ అంజలిని ప్రశ్నించారు ఆ రిపోర్టర్‌.
నేనెప్పుడూ నెంబర్ 1, నెంబర్ 2 అనే ఆట ఆడలేదు. టాప్, సెకండ్ టాప్ అనేవి మన దృష్టి కోణాన్ని బట్టి ఉంటాయి. ఒక్కొక్కరికి ఒక హీరోయిన్‌ నచ్చొచ్చు. అలా అని అందరూ నెంబర్ వన్‌ అవ్వలేరు. నా వరకు చూస్తే… నా పాత్రకు ప్రాధాన్యత ఉండి, ఆ పాత్రతో ఏమైనా నిరూపించుకోవచ్చు అని అనిపించే సినిమా కథలనే నేను ఓకే చేస్తున్నాను అని క్లారిఈ ఇచ్చింది. అలా తాను ఏం ఖాళీగా లేనని, నాలుగు భాషల్లో సినిమాలు చేస్తున్నాను అని కూడా చెప్పింది.
ఈ రోజు నేను తెలుగులో పనిచేస్తే.. రేపు తమిళంలో పనిచేయాలి. అలా సౌత్‌ పరిశ్రమల్లో నటిస్తూనే ఉన్నాను. నాకు స్ఫూర్తినిచ్చే క్యారెక్టర్లు, కిక్ ఇచ్చే పాత్రలను మాత్రమే ఎంచుకుంటాను అంటూ తన కెరీర్‌ ప్లానింగ్‌ గురించి క్లారిటీ ఇచ్చింది అంజలి. అంతేకాదు తనకు గతేడాది ఓటీటీలో రెండు రిలీజ్‌లు ఉన్నాయని, అలా తాను బిజీగానే ఉన్నానని చెప్పింది అంజలి.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
