Family Star: ‘ఫ్యామిలీ స్టార్‌’లో హీరో పేరు వెనుక కథ ఇదే… ఇంకెన్ని ట్విస్టులున్నాయో!

రిలీజ్‌ డేట్‌కి దగ్గరికొస్తున్న సమయంలో ‘ఫ్యామిలీ స్టార్‌’ (Family Star) సినిమా నుండి ఆసక్తికర విషయాలు బయటికొస్తున్నాయి. మొన్నటికి మొన్న ఈ సినిమాలోని చాలా సీన్స్‌కు దర్శకుడు పరశురామ్‌ (Parasuram) జీవితంలో విషయాలే స్ఫూర్తి అని చెప్పి షాక్‌ ఇచ్చిన టీమ్‌… ఇప్పుడు సినిమాలో హీరో పేరు వెనుకున్న సీక్రెట్‌ను అనౌన్స్‌ చేసింది. దాని ప్రకారం చూస్తే.. ఈ సినిమాలో చాలా సీన్స్‌, ప్లాట్స్‌ ఎవరో ఒకరి జీవితం నుండి చూసి రాసుకున్నవే అని అంటున్నారు.

ఈ సినిమాలో విజయ్‌ దేవరకొండ (Vijay Devarakonda)  పేరు గోవర్ధన్‌. ఈ పేరు ఎక్కడో విన్నట్లుగా ఉంది కదా. అవును… అది విజయ్‌ తండ్రి పేరు. అలా ఎందుకు పెట్టారు అనే విషయాన్ని విజయే చెప్పాడు. దర్శకుడు పరశురామ్‌ కథ చెప్పినప్పుడు ఆయన జీవితంలోని అనుభవాలను ఊహించుకుంటూ చెప్పాడు. కథ వింటున్నప్పుడు నాకు మా నాన్న గుర్తొచ్చారు. మా కుటుంబం కోసం ఆయన పడిన తపన గుర్తొచ్చింది. అందుకే ఈ సినిమాలో హీరోకు గోవర్ధన్‌ అనే పేరు పెట్టాం.

ఆ పేరు పెట్టుకున్న తర్వాత భావోద్వేగాలు పలికించడం సులువవుతుంది అనిపించింది అని విజయ్‌ చెప్పాడు. పేరు విషయంలోనే కాదు లుక్ వైజ్ కూడా నాన్న‌ని ఫాలో అయ్యాడు విజయ్‌ దేవ‌ర‌కొండ‌. గోవ‌ర్దన్‌కి మీసాలు కాస్త ఒత్తుగా, కింద‌కు దిగి ఉంటాయి. అదే స్టైల్ లోకి విజ‌య్ మారిపోయాడు. కేవ‌లం మీసాలు పెంచ‌డం కోస‌మే.. కొన్ని రోజులు షూటింగ్ పోస్ట్ పోన్ చేశాడని టాక్‌. మా నాన్న డైరీ ఎప్పుడు చూసినా జ‌మా ఖ‌ర్చులే ఉండేవి. రాబ‌డి ఎంత‌, ఖ‌ర్చెంత‌, ఈ లోటు ఎలా భ‌ర్తీ చేయాలి? అని రాసుకునేవారు.

చిన్న‌ప్పుడు సైకిల్ కొనమని ప్రతిసారి విజయ్‌ తన తండ్రిని అడిగేవాడట. వ‌చ్చే సెల‌వల్లో కొనిస్తా అనేవారట. కానీ కొనేవారు కాదట. చివ‌రికి ఓసారి లేడీ బ‌ర్డ్ సెకండ్ హ్యాండ్‌లో కొన్నారట. మా అక్క సైకిల్ అని ఫ్రెండ్స్‌కి చెప్పేవాడట విజయ్‌. ఇలా ఏం అడిగినా కాదు, కుద‌ర‌దు అనేవారు కాదు, ఏదోలా, ఎప్ప‌టికో ఒక‌ప్పుడు కొనిచ్చేవారట. ఇవ‌న్నీ సినిమా చేస్తున్న‌ప్పుడు గుర్తొచ్చాయి అని విజయ్‌ చెప్పాడు. అంటే ‘ఫ్యామిలీ స్టార్‌’ తన తండ్రి బయోపిక్‌ లాంటిది అని అంటున్నారు నెటిజన్లు.