త్రివిక్రమ్ సినిమాల్లో కొన్ని సిమిలారిటీస్‌ ఉంటాయి. ఆయన హిట్‌ సినిమాలు చూస్తే ఆ సినిమిలారిటీస్‌ ఇంకా ఎక్కువగా కనిపిస్తున్నాయి. అలాంటి సిమిలారిటీస్‌లో ‘తాత’ సెంటిమెంట్ ఒకటి. అంటే త్రివిక్రమ్ హిట్‌ సినిమాస్‌లో హీరోకు తాతయ్య ఉంటాడు అండ్‌ ఆ తాతయ్య సినిమాకు కీలకంగా ఉంటాడు. ఇప్పుడు మహేష్‌బాబు సినిమా కోసం అలాంటి ఓ తాత సెంటిమెంట్‌ను తీసుకురావాలని చూస్తున్నారట. ఈ మేరకు అన్ని ఏర్పాట్లు పూర్తయ్యాయని సమాచారం. మహేష్ బాబు – త్రివిక్రమ్ కాంబినేషన్‌లో ఓ సినిమా రూపొందుతున్న విషయం తెలిసిందే.
చాలా నెలల క్రితమే మొదలైన ఈ సినిమా ఏమైందో ఏమో ఇంకా కొత్త షెడ్యూల్‌ మొదలుకాలేదు. అయితే కథ మారుతోందని, కొత్త కథ అనుకున్నారని.. త్వరలో క్లారిటీ ఇస్తారని చెబుతున్నారు. కథను మార్చే క్రమంలో సినిమాలోకి ప్రకాశ్‌రాజ్‌ వచ్చారని టాక్‌. ఈ సినిమాలో ఆయన మహేష్‌కు తాతయ్యగా నటిస్తారని చెబుతున్నారు. త్రివిక్రమ్ సినిమాల్లో విజయం అందుకున్న వాటిలో ‘అతడు’, ‘అత్తారింటికి దారేది’, ‘అల వైకుంఠపురములో’ సినిమాల్లో తాత పాత్ర ఎంత ప్రముఖమైనదో వేరేగా చెప్పక్కర్లేదు.
ఇప్పుడు మహేష్ సినిమాలోనూ అలాంటి తాతనే చూడొచ్చు అంటున్నారు. ఈ పాత్ర హిలేరియస్‌గా ఉంటూనే.. సెకండాఫ్‌లో సీరియస్‌ నోట్‌లో ఉంటుందని చెబుతున్నారు. దీంతో ఈ సినిమా మీద అంచనాలు అమాంతంగా పెరిగిపోయాయి. ఇక మహేష్ – ప్రకాశ్‌ రాజ్‌ కాంబినేషన్‌లో కూడా అదిరిపోయే హిట్లు ఉన్నాయి. ‘పోకిరి’, ‘సీతమ్మ వాకిట్లో సిరిమల్లె చెట్టు’ సినిమాల ఫలితాల గురించి ప్రత్యేకంగా చెప్పక్కర్లేదు. కాబట్టి ఏ లెక్కన చూసుకున్న ఈ సినిమా మీద అంచనాలు ఈజీగా నెరవేరుతాయని చెబుతున్నారు.
అయితే సినిమా ఎప్పుడు మొదలవుతుంది అనేది తెలియాల్సి ఉంది. ఎందుకంటే కొన్ని నెలలుగా సినిమా అదిగో ఇదిగో అని వాయిదా పడుతోంది. సంక్రాంతి తర్వాత అని మొన్నామధ్య అన్నారు. కానీ అవ్వేలేదు. ఇప్పుడు త్రివిక్రమ్.. పవన్‌ కల్యాణ్‌ కొత్త సినిమా పని మీద పడ్డారు. దీంతో మహేష్ సినిమా గురించి క్లారిటీ రావడం లేదు. ఈలోపు పుకార్లు వస్తున్నాయి.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home