తెలుగు హీరో… మలయాళ హీరోయిన్‌! ఈ కాంబినేషన్‌ ఎందుకో సూపర్‌ ఉంటుంది. వరుస తెలుగు సినిమాల్లో మలయాళ హీరోయిన్లు కనిపిస్తుంటారు. ఇటీవల ‘అంటే సుందరానికి’ సినిమాలో నజియాను తీసుకున్నారు. అంతకుముందు చాలామంది కేరళ కుట్టీలు చేశారు. ఇప్పుడు మరో కేరళ అమ్మాయి టాలీవుడ్‌లోకి అడుగుపెట్టబోతోంది. ఆమెనే సంయుక్త మేనన్‌. ఆమె నటిస్తున్న తొలి సినిమా ఇంకా విడుదల కాకముందే మరో సినిమా కూడా ఓకే చేసేసుకుందట. అయితే ఈసారి మెగా హీరోతో.
కళ్యాణ్ రామ్‌ హీరోగా మల్లిడి వశిష్ట రూపొందిస్తున్న కొత్త సినిమాలో సంయుక్తను కథానాయికగా తీసుకున్న విషయం తెలిసిందే. ఆ సినిమా తర్వాత నెక్స్ట్‌ ఏంటి అడిగే లోపే మరో సినిమా ఓకే చేసేసుకుందట సంయక్త. సాయిధరమ్‌ తేజ్ కథానాయకుడిగా కార్తిక్‌ వర్మ దండు తెరకెక్కిస్తున్న ఓ సినిమాలో ఈ మలయాళ భామను సెలక్ట్‌ చేశారట. ఆమె గత సినిమాల్లో నటనను చూసి సాయితేజ్‌ సినిమా టీమ్‌ ఓకే చేసిందని సమాచారం.
2016లోనే మలయాళంలో ఎంట్రీ ఇచ్చిన సంయుక్త మేనన్‌ తమిళంలో కూడా నటించింది. ఇటీవల కన్నడలో కూడా అరంగేట్రం చేసింది. ఇప్పుడు టాలీవుడ్‌లోకి వచ్చేసింది. ఈ ఏడాది ఆమె చేతిలో ఆరేడు సినిమాలు ఉన్నాయి అంటేనే.. ఎంత బిజీగా మారిందో అర్థం చేసుకోవచ్చు. ఇక్కడ సరైన విజయం అందుకుంటే ఇంకా బిజీ అయిపోతుంది మరి.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
