‘రౌడీ’ స్టార్ విజయ్ దేవరకొండ గురించి ఇద్దరు అమ్మాయిలు చర్చ పెట్టుకుంటే ఎలా ఉంటుందో ఇటీవల మనం చూశాం. ఇద్దరు యువ నాయికలు అవ్వడం, అందులోనూ ఇద్దరూ బాలీవుడ్‌ స్టార్ హీరోయిన్లు కావడంతో విజయ్ ఫ్యాన్స్‌ ‘వావ్‌ రౌడీ’ అనుకున్నారు. వారిద్దరనే కాదు ఇంకా చాలామంది హీరోయిన్లు విజయ్ అంటే పడిచస్తున్నారు. ఇప్పుడు ఈ జాబితాలోకి కాబోయే హీరోయిన్‌ కూడా వచ్చి చేరింది. ఆమెనే మిస్‌ ఇండియా వరల్ట్‌ సినీ శెట్టి.
మొన్నీ మధ్యే గెలిచిన ఆమె తన మనసులో మాట బయట పెట్టింది. విజయ్ దేవరకొండ ఫ్యాన్‌ బేస్‌ ఇటీవల బాగా పెరిగింది. సోషల్‌ మీడియాలోనూ స్టార్ అయిపోయాడు. ‘అర్జున్‌ రెడ్డి’ సినిమాతో హీరోగా పాన్‌ ఇండియా ఇమేజ్ తెచ్చుకున్నాడు. త్వరలో ‘లైగర్‌’ సినిమాతో మరోసారి పాన్‌ ఇండియా సినిమా తీసుకొస్తున్నాడు. ఈ క్రమంలో కుర్రకారు ఎంతగా ఉర్రూతలూగుతున్నారో, కుర్ర నాయికలూ అంతే ఉత్సాహంగా ఉన్నారు. ఇప్పుడు వారికి మిస్‌ ఇండియా వరల్ట్‌ సినీ శెట్టి కూడా వచ్చింది.
విజయ్ దేవరకొండ కేవలం తన సినిమాలు, నటనతోనే కాకుండా ఆఫ్‌స్క్రీన్‌లోనూ ఇమేజ్‌ను బిల్డ్‌ చేసుకుంటున్నాడు. మొన్నీమధ్య ‘లైగర్‌’ ట్రైలర్‌ లాంచ్‌ ఈవెంట్‌ ముంబయిలో జరిగినప్పుడు టీ షర్ట్‌, చెప్పల్స్‌ వేసుకొని వచ్చి వావ్‌ అనిపించాడు. దీంతో సోషల్‌ మీడియా మొత్తం దాని గురించే చర్చ నడుస్తోంది. ‘లైగర్‌’లో తన పాత్రకు తగ్గట్టుగా విజయ్ అలా డ్రెస్సింగ్‌లో వచ్చాడు అని అతని డిజైనర్‌ చెప్పారు. మరి సినిమా రాకముందే ఇలా ఉంది అంటే.. సినిమాలో ఇంకెలా ఉంటాడో చూడాలి.
అన్నట్లు ‘లైగర్‌’ మరో నెల రోజుల్లో థియేటర్లలో రాబోతున్నాడు. దీంతో చిత్రబృందం ప్రచార జోరు పెంచుతోంది. ఇక్కడి నుండి నెల రోజుల పాటు ‘లైగర్‌’ నామస్మరణతో సినిమా మీడియాను తడిపేయబోతున్నారు. సినిమా గురించి మరిన్ని ముచ్చట్లు, సినిమా షూటింగ్‌లో జరిగిన విషయాలు చాలా తెలుస్తాయి. పూరి జగన్నాథ్‌ రెగ్యులర్‌ స్టైల్‌లో కాకుండా ఈ సినిమాకు చాలా రోజులు పట్టాయి. మరి అవన్నీ చూడాలి.
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
