బాహుబలి సినిమాల తర్వాత రాజమౌళి మ్యాసివ్ మల్టీ స్టారర్ మూవీ చేస్తున్నట్టు కొన్ని రోజుల క్రితం అధికారిక ప్రకటన చేశారు. రామ్ చరణ్, రామారావు(తారక్)లు స్క్రీన్ షేర్ చేసుకోబోతున్న ఈ ప్రాజక్ట్ కి #RRR అనే పేరు పెట్టారు. డీవీవీ ఎంటర్టైన్మెంట్స్ పతాకంపై దానయ్య నిర్మించనున్న మూవీకి ప్రీ ప్రొడక్షన్ పనులు జోరుగా సాగుతున్నాయి. స్క్రిప్ట్ కి విజయేంద్ర ప్రసాద్ తుది మెరుగులు దిద్దుతుండగా.. రాజమౌళి మాత్రం ఆర్టిస్టుల సెలక్షన్ లో బిజీగా ఉన్నారు. ఇందులో హీరోయిన్స్ గా ఆర్ అక్షరంతో పేరు కలిగిన వారిని పరిశీలిస్తున్నారు.
రకుల్ ప్రీత్ సింగ్.. రష్మిక మందనను సెలక్ట్ చేసినట్లు వార్తలు వస్తున్నాయి. తాజాగా ఈ టీమ్ లోకి మరో ఆర్ జాయిన్ అయినట్లు తెలిసింది. అతనే యాంగ్రీ యంగ్ మ్యాన్ డాక్టర్ రాజశేఖర్. గరుడ వేగ సినిమాతో పూర్వ వైభవాన్ని సొంతం చేసుకున్నారు. ఆ సినిమా ప్రమోషన్ సమయంలో మంచి కథలో తాను విలన్ గా నటించడానికి కూడా సిద్ధమే అని ప్రకటించారు. అందుకోసమే రాజమౌళి అతన్ని కలిసి మల్టీ స్టారర్ మూవీ కథ వినిపించారంట. నచ్చడంతో ప్రతి కథానాయకుడిగా నటించడానికి గ్రీన్ సిగ్నల్ ఇచ్చినట్లు సమాచారం. ఈ విషయాన్నీ ఇంకా చిత్ర బృందం అధికారికంగా ప్రకటించలేదు.
