రాజా ది గ్రేట్ హిట్ తర్వాత మాస్ మహారాజ్ రవితేజ కొత్త దర్శకుడు విక్రమ్ సిరికొండ దర్శకత్వంలో “టచ్ చేసి చూడు” సినిమా చేశారు. ఇది ఆశించినంత విజయం సాధించలేదు. ఈ సినిమా ఫలితాన్ని పక్కన పెట్టి కళ్యాణ్ కృష్ణ దర్శకత్వంలో సినిమాని రవితేజ మొదలు పెట్టారు. “నేల టికెట్” అని పేరు ఖరారు చేసిన ఈ మూవీ వేగంగా షూటింగ్ జరుపుకుంటోంది. దీని తర్వాత శ్రీను వైట్ల డైరక్షన్లో నటించడానికి గ్రీన్ సిగ్నల్ ఇచ్చారు. మైత్రి మూవీ మేకర్స్ వారు నిర్మించనున్న ఈ సినిమా ప్రీ ప్రొడక్షన్ వర్క్ కంప్లీట్ చేసుకొని షూటింగ్ ని మొదలు పెట్టనుంది.
రవితేజ త్రిపాత్రాభినయం పోషించనున్న ఇందులో ఒక హీరోయిన్ గా అను ఇమ్యానుయేల్ (Anu Emmanuel)నటించనున్నట్లు తెలిసింది. ఈ జోడీ కొత్త అనుభూతిని పంచనుంది. ఇక రెండో హీరోయిన్ గా కాజల్ పేరు పరిశీలిస్తున్నారు. హైదరాబాద్ లో ఈ రోజు లాంఛనంగా ప్రారంభంకానున్న ఈ మూవీ ఎక్కువభాగం అమెరికాలో చిత్రీకరణ జరుపుకోనుంది. “అమర్ అక్బర్ అంటొనీ” అనే పేరుతో తెరకెక్కనున్న ఈ చిత్రంలో సునీల్ చాలా కాలం తర్వాత హాస్యనటుడిగా విశ్వరూపం ప్రదర్శించనున్నట్లు సమాచారం. ఎస్.ఎస్. థమన్ సంగీతం అందించనున్న ఈ చిత్రం గురించి అధికారిక ప్రకటన ఈరోజు చేయనున్నారు.
