‘శైలజారెడ్డి అల్లుడు’లో తన రోల్ ఏంటో చెప్పిన అను ఇమ్యానుయేల్

మజ్ను సినిమాతో టాలీవుడ్ లో అడుగుపెట్టిన అను ఇమ్యానుయేల్… “కిట్టు ఉన్నాడు జాగ్రత్త” సినిమాతో పాటు పవర్ స్టార్ పవన్ కళ్యాణ్ కి జోడీగా ఛాన్స్ అందుకుంది. త్రివిక్రమ్ దర్శకత్వంలో వచ్చిన అజ్ఞాతవాసిలో హీరోయిన్ గా నటించింది. దీంతో రెండు సినిమాల్తోనే స్టార్ హీరోయిన్ అయిపోయినందుకు సంబరపడింది. ఈ చిత్రం తనకి ఆఫర్లు తెచ్చి పెడుతుందంటే.. ఉన్నదీ పోగొట్టింది. పోనీ అల్లు అర్జున్ సినిమా నా పేరు సూర్య అయినా కెరీర్ ని పరుగులెత్తిస్తుందనుకుంటే అది కూడా నిరాశపరిచింది. దీంతో ఆశలన్నీ శైలజారెడ్డి అల్లుడు మూవీపైనే పెట్టుకుంది. ఇందులో అను నాగచైతన్యకి జోడీగా నటిస్తోంది. రీసెంట్ గా డైరక్టర్ మారుతీ..

అను, చైతులపై రెండు పాటలను నాన్ స్టాప్ గా షూట్ చేశారు. ఈ సందర్భంగా మీడియాతో అను మాట్లాడుతూ తన రోల్ ఏమిటో వెల్లడించింది. “‘శైలజారెడ్డి అల్లుడు’లో నా క్యారెక్టర్ ప్రత్యేకంగా ఉంటుంది. అందుకే నేను ప్రేక్షకులకు కొత్తగా కనిపిస్తాను. కొంచెం ఈగో ఉన్న అమ్మాయిగా తప్పకుండా మీ మనసులు దోచుకుంటాను” అని చెప్పింది. సితార ఎంటర్టైన్మెంట్స్ సంస్థ నిర్మిస్తోన్న ఈ చిత్రానికి గోపి సుందర్ సంగీతాన్ని అందిస్తున్నారు. రమ్యకృష్ణ అత్తగా నటిస్తున్న ఈ చిత్రంపై భారీ అంచనాలున్నాయి.