కొన్ని కాంబినేషన్ల గురించి చెప్పగానే.. సినిమా ఎలా ఉంటుంది, ఫలితం ఎలా ఉంటుంది అనే పిక్చర్‌ కళ్ల ముందు కదలాడుతుంది. అలాంటి వాటిలో సీనియర్‌ హీరో, కుర్ర దర్శకుడు కూడా ఉంటారు. అలాంటి ఓ కాంబినేషన్‌ గురించి టాలీవుడ్‌లో ఇప్పుడు చర్చ వినిపిస్తోంది. ఆ డైరక్టర్‌కి కేవలం రెండు సినిమాల అనుభవం మాత్రమే ఉంది. కానీ ఆ రెండు సినిమాల్లోని యూఎస్‌పీనే ఇప్పుడు చర్చకు ప్రధాన కారణంగా కనిపిస్తోంది. అంతలా చర్చ జరుగుతున్న ఆ వ్యక్తులు ఎవరు అనేగా మీ ప్రశ్న.
ఆ సీనియర్‌ హీరో రవితేజ అయితే, ఇక ఆ దర్శకుడు మన జాతిరత్నం అనుదీప్‌. అవును మీరు చదివింది కరెక్టే. ఈ కాంబినేషన్‌లో ఓ సినిమా దాదాపు సిద్ధమైంది అని అంటున్నారు. త్వరలో అనౌన్స్‌మెంట్‌ కూడా ఉంటుంది అని చెబుతున్నారు. రవితేజ కెరీర్‌ ఇటీవల కాలంలో మంచి విజయాలే వస్తున్నాయి. రీసెంట్‌ మూవీ ‘రావణాసుర’ ఇబ్బందికర ఫలితం ఇచ్చినా.. అంతకుముందు మంచి విజయాలే వచ్చాయి. అయితే, రవితేజ తన స్పెషల్‌ అయిన కామెడీని ప్రధానంగా చేసుకొని ఓ సినిమా చేయాలని ఫిక్స్‌ అయ్యారట.
రవితేజ (Ravi Teja) కామెడీ చేస్తే ఎంత బాగుంటుందో మనందరికీ తెలిసిందే. ఈ సినిమాకు ఎవరు బాగుంటారు అనే చర్చ అనుదీప్‌ దగ్గర ఆగిందట. ‘జాతిరత్నాలు’, ‘ప్రిన్స్‌’ లాంటి వినోదభరిత సినిమాలు చేశారు. తొలి సినిమా భారీ విజయం అందుకోగా, రెండో సినిమాతో సరైన ఫలితం అందలేదు కానీ.. కామెడీ బాగుందనే ప్రశంసలు వచ్చాయి. ఇప్పుడు రవితేజ కోసం అనుదీప్‌ ఇలాంటి ఓ కథ సిద్ధం చేసుకున్నారని..
అనుదీప్‌ వైవిధ్యమైన రైటింగ్‌, రవితేజ టైమింగ్‌ కలసి ఆ సీన్స్‌ అదిరిపోతాయి అని అంటున్నారు. త్వరలోనే సినిమా అనౌన్స్‌మెంట్‌ ఉంటుంది అని సమాచారం. ఇక రవితేజ ప్రజెంట్‌ మూవీస్‌ సంగతి చూస్తే.. వంశీ ఆకెళ్ల దర్శకత్వంలో ‘టైగర్ నాగేశ్వరరావు’ చేస్తున్నాడు. మరోవైపు సినిమాటోగ్రాఫర్ కార్తిక్ ఘట్టమనేనితో ‘ఈగల్’ అనే సినిమాలో చేస్తున్నాడు. ఈ సినిమాలో సీనియర్‌ హీరోయిన్‌ను తీసుకునే ఆలోచనలో ఉన్నారట.
కస్టడీ సినిమా రివ్యూ & రేటింగ్!
ది స్టోరీ ఆఫ్ ఏ బ్యూటీఫుల్ గర్ల్ సినిమా రివ్యూ & రేటింగ్!
భీమ్లా ని కొట్టలేకపోయిన ఆదిపురుష్ ట్రైలర్.. అతి తక్కువ టైంలో 100K లైక్స్ కొట్టిన తెలుగు ట్రైలర్లు!
కమల్ హాసన్ ‘హే రామ్’ తో పాటు ఇండియాలో బ్యాన్ చేసిన సినిమాల లిస్ట్..!
