మెగాస్టార్ చిరంజీవితో స్క్రీన్ షేర్ చేసుకోవాలని చాలామంది కలలుకంటుంటారు. అటువంటివారిలో స్టార్ హీరో హీరోయిన్స్ కూడా ఉంటారనడంలో ఎటువంటి అతిశయోక్తిలేదు. తాజాగా ఆ విషయాన్నీ అనుపమ పరమేశ్వరన్ మరోసారి బయటపెట్టింది. మలయాళ బ్యూటీ అనుపమ మలయాళ చిత్రం ప్రేమమ్ మూవీతో యువకుల హృదయాలను గెలుచుకుంది. తెలుగు ప్రేమమ్ లోను సుమ గా ఆకట్టుకుంది. అంతకంటే ముందే అ.. ఆ సినిమాలో సొంతగా డబ్బింగ్ చెప్పుకుని మరీ మెప్పించింది. శతమానం భవతి చిత్రంలో శర్వానంద్ తో జోడీగా నటించి మంచి మార్కులు కొట్టేసింది. ఉన్నదీ ఒక్కటే జిందగీ లోను పక్కింటి అమ్మాయిలా నటించి అభిమానులను పెంచేసుకుంది.
తాజగా కరుణాకరన్ దర్శకత్వంలో మెగా హీరో సాయి ధరమ్ తేజ్ చేస్తున్న తేజ్’. ఐ లవ్‌ యు చిత్రంలోనూ అనుపమ హీరోయిన్ గా నటిస్తోంది. టీజర్ తో అంచనాలు పెంచేసుకున్న ఈ మూవీ జులై 6న రిలీజ్ కానుంది. ఈ సందర్భంగా మీడియా ముందుకు వచ్చిన అనుపమ తన మనసులోని మాటలను బయటపెట్టింది. “నా అభిమాన నటుడు చిరంజీవి. ఆయనతో కలసి అర నిమిషం నటించినా నా జన్మ ధన్యమైనట్టే” అని చెప్పింది. అలాగే నటీమణుల్లో నిత్యామీనన్ అంటే చాలా ఇష్టమని తెలిపింది. ఇంకా తెలుగు భాష గురించి మాట్లాడుతూ.. “మొదట్లో నాకు తెలుగు మాట్లాడటం సరిగా వచ్చేది కాదు., తెలుగు అర్థంకాక చాలా ఇబ్బంది పడేదాన్ని. ఇప్పుడు తెలుగులో స్పష్టంగా మాట్లాడగలుగుతున్నాను” అని వెల్లడించింది. మరి తనతో నటించాలని ఎంతగానో ఆశపడుతున్న అనుపమకు చిరంజీవి నెక్స్ట్ సినిమాలోనైనా అవకాశం ఇస్తాడేమో చూడాలి.
Home