‘అన్నీ ఉన్నా అల్లుడి నోట్లో శని’ అనే సామెత ఊరికే పుట్టలేదు. పాపం ‘ప్రేమమ్’ బ్యూటీ అనుపమ పరమేశ్వరన్ ను చూస్తే అందరికీ ఈ సామెతే గుర్తొస్తుంది. పెర్ఫార్మెన్స్ పరంగా టాప్, అందంలోనూ అదరహో అనిపించగల ముఖారవిందం. అన్నిటికీ మించి ఖాతాలో రెండు ఘన విజయాలు. ఇన్ని ఉన్నప్పటికీ అమ్మడికి అగ్ర కథానాయకుల సరసన నటించే అవకాశాలు మాత్రం లభించడం లేదు. అసలు సుకుమార్ దర్శకత్వంలో రామ్ చరణ్ హీరోగా తెరకెక్కుతున్న “రంగస్థలం”లో తొలుత అనుపమనే కథానాయికగా అనుకొన్నారు కానీ ఆఖరి నిమిషంలో అది క్యాన్సిల్ అయ్యింది.
అయితే.. అమ్మడిని అందరూ వద్దనడానికి అసలు సమస్య ఆమె హైట్. తిప్పికొడితే అయిదడుగులు కూడా లేని అనుపమను తమ పక్కన నిల్చోబెడితే కనీసం భుజం వరకూ కూడా రాదని సదరు స్టార్ హీరోలు ఫీల్ అవుతున్నారట. సో, ఇంకాస్త హైట్ ఉంటే ఎంత బాగుండు అని తెగ ఫీలయిపోతుందట అనుపమ పరమేశ్వరన్.
Also, do SUBSCRIBE to our YouTube channel to get latest Tollywood updates.
