Anupama Parameswaran: ఆ హీరోతో లిప్ లాక్.. స్పందించిన అనుపమ!

ప్రముఖ నిర్మాత దిల్ రాజు మేనల్లుడు ఆశిష్ రెడ్డి, అనుపమ పరమేశ్వరన్ జంటగా నటించిన చిత్రం ‘రౌడీ బాయ్స్’. సంక్రాంతి కానుకగా జనవరి 14న ఈ సినిమా ప్రేక్షకుల ముందుకు రానుంది. హరీష్ కొనుగంటి దర్శకత్వం వహించిన ఈ సినిమా ట్రైలర్ ఇటీవలే విడుదలైంది. ఇందులో అనుపమ హీరోకి లిప్ లాక్ ఇచ్చిన సీన్ హైలైట్ గా నిలిచింది. ఇప్పటివరకు తెలుగులో ఎన్ని సినిమాలు చేసినా.. అనుపమ ఎప్పుడూ హద్దులు దాటలేదు. గ్లామర్ షోకి, ఇంటిమేట్ సన్నివేశాలకు దూరంగా ఉంటుంది.

అలాంటిది ఆమె లిప్ లాక్ సీన్స్ లో నటించడంతో అభిమానులు షాకయ్యారు. ట్రైలర్ విడుదలయిన వెంటనే అనుపమ ముద్దు సన్నివేశంపై చాలా మీమ్స్ ను క్రియేట్ చేశారు. సోషల్ మీడియాలో ఈ మీమ్స్ బాగా వైరల్ అయ్యాయి. తాజాగా ఈ లిప్ లాక్ మీమ్స్ పై స్పందించింది అనుపమ. ‘రౌడీబాయ్స్’లో జంటగా నటించిన ఆశిష్, అనుపమ ఆ మీమ్స్ ను చూసి అభిమానుల క్రియేటివిటీ చూసి నవ్వుకున్నారు. ఆ తరువాత అనుపమ లిప్ లాక్ సీన్స్ సినిమాలో ఒక భాగం మాత్రమేనని అభిమానులకు చెప్పే ప్రయత్నం చేసింది.

సినిమాలో తన పాత్రను ముద్దు పెట్టింది ఆశిష్ పాత్ర అని చెప్పింది. సినిమాలో ఆ సీన్స్ చూసిన తరువాత నెటిజన్లు మనసు మార్చుకుంటారని ఈ జంట హామీ ఇచ్చింది. ఈ మేరకు ఓ వీడియోను రిలీజ్ చేసింది. లిప్ లాక్ సీన్స్ ను కూడా ప్రమోషన్స్ కోసం వాడేసుకుంది ‘రౌడీబాయ్స్’ టీమ్. సంక్రాంతి రానున్న ఈ సినిమా ఎలాంటి హిట్ అందుకుంటుందో చూడాలి!

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!