బాహుబలి తర్వాత అనుష్క క్రేజ్ మామూలుగా లేదు. ఆమె సినిమా కోసం అభిమానులు ఎదురుచూస్తున్నారు. డిమాండ్ ఉంది కదా అని ఎడా పెడా సినిమాలు చేయకుండా ఒకే ఒక్క సినిమా చేసింది. అశోక్ దర్శకత్వంలో ఆమె నటించిన భాగమతి సంచలనంగా మారింది. యూవీ క్రియేషన్స్‌, స్టూడియో గ్రీన్‌ సంస్థలు సంయుక్తంగా నిర్మించిన భాగమతి తెలుగు, తమిళ, హిందీ భాషల్లో మరో రెండు రోజుల్లో గ్రాండ్ గా రిలీజ్ కానుంది. తమిళనాడు, తెలుగు రాష్ట్రాల్లోనే కాదు.. ప్రపంచవ్యాప్తంగా ఎక్కువ థియేటర్లో ప్రదర్శితం కానుంది. ముఖ్యంగా అనుష్క ఓవర్సీస్ పై ఫోకస్ చేసినట్లు తెలిసింది.
సినిమాలు బాగుంటే అక్కడ మిలియన్ డాలర్లు వసూలు చేస్తున్నాయి. అందుకే భాగమతిని అక్కడ ఎక్కువ స్క్రీన్స్ లో రిలీజ్ చేసే ఏర్పాట్లు పూర్తి చేశారు. ఓవర్సీస్ లో టాలీవుడ్ యంగ్ హీరోలు నిఖిల్, శర్వానంద్, నాని సినిమాలు వంద ప్రాంతాల్లో రిలీజ్ అవుతుంటాయి. బాగమతి సినిమా మాత్రం ఏకంగా 125 ప్రాంతాల్లో రిలీజ్ చేయనున్నట్లు తెలిసింది. భాగమతి తెలుగు, తమిళ్ వర్షన్ అక్కడ రిలీజ్ కానున్నాయి. ఈ లెక్కన అనుష్క సింగిల్ హ్యాండ్ తో ఓవర్సీస్ లో వన్ మిలియన్ డాలర్లు వసూలు చేయడం గ్యారంటీ అని సినీ విశ్లేషకులు అంచనా వేస్తున్నారు. భాగమతి ట్రైలర్ చూస్తుంటే అంతకుమించి వసూలు చేసేటట్టు అనిపిస్తోంది.
Home