అనుష్కకు అందుకే అవకాశాలు చేజారిపోతున్నాయి

దక్షిణాది భాషల్లోని టాప్ హీరోయిన్ లో అనుష్క ఒకరు. బాహుబలితో ఆమెకు ఉత్తరాదిలోను అభిమానులు ఏర్పడ్డారు. దీంతో అనుష్కకు అవకాశాలు వెల్లువెత్తుతాయని అందరూ భావించారు. కానీ అంచనా తలకిందులయింది. బాహుబలి తర్వాత స్వీటీ కేవలం ఒక సినిమా మాత్రమే ఒప్పుకుంది. పిల్ల జమీందార్ ఫేం అశోక్ దర్శకత్వంలో అనుష్క భాగమతి అనే సినిమా చేస్తోంది. ఈ మూవీ షూటింగ్ పూర్తి చేసుకొని పోస్ట్ ప్రొడక్షన్ జరుపుకుంటోంది. ఈ సినిమా తర్వాత ఏ చిత్రానికి అనుష్క సైన్ చేయలేదు. ఓ స్టార్ హీరోయిన్ డేట్స్ ఖాళీగా ఉండడం ఆశ్చర్యాన్ని కలిగిస్తోంది. దీని వెనుక కారణం అన్వేషిస్తే అసలు విషయం బయటికి వచ్చింది.

ప్రభాస్ సాహో సినిమాలో మొదట అనుష్కనే అనుకున్నారంట. యాక్షన్ సీన్స్ ప్రాక్టీస్ లో కూడా పాల్గొంది. అయితే పెరిగిన బరువు ఆమెకు సహకరించకపోవడంతో సాహో నుంచి బయటికి వచ్చేసిందని ఫిలిం నగర్ వాసులు చెప్పుకుంటున్నారు. అలాగే సైరా నరసింహ రెడ్డిలోను ప్రధాన హీరోయిన్ గా అనుష్కను అనుకున్నారు. కానీ ఇక్కడ కూడా బరువే అనుష్కకు విలన్ అయింది. ఇందులోనూ అవకాశాన్ని నయనతారకు ఇచ్చేలా చేసింది. రెండూ భారీ ప్రాజక్ట్ లో అవకాశాలు కోల్పోవడం అనుష్కను బాధపెట్టింది. దీంతో ఎలాగైనా బరువుతగ్గి మునుపటి అందాన్ని సొంతంచేసుకోవాలని సంకల్పించుకున్నట్లు తెలిసింది.

Also, do SUBSCRIBE to our YouTube channel to get latest Tollywood updates.