మెగాస్టార్ నటించిన ‘స్టాలిన్’ సినిమాలో చిరు సరసన ఒక పాటలో మెరిసింది అనుష్క. ఈరోజు అనుష్క తెలుగు ఇండస్ట్రీలో టాప్ హీరోయిన్. భారీ బడ్జెట్ చిత్రాల్లో దర్శకులకు అనుష్క తప్ప వేరే ఛాయస్ లేదు. రుద్రమదేవి, బాహుబలి లాంటి ప్రతిష్టాత్మక చిత్రాల్లో నటించి ప్రేక్షకులను మెప్పించింది.
ప్రస్తుతం ఈ భామ ‘సింగం3′,’బాహుబలి2’ చిత్రాలతో బిజీగా ఉంది. ఈ నేపధ్యంలో అనుష్కను, చిరంజీవి 150 వ సినిమాలో హీరోయిన్ గా పరిశీలిస్తున్నట్లు సమాచారం. మొదట ఈ పాత్రలో హీరోయిన్ నయనతార కన్ఫర్మ్ అయిందని వార్తలు వచ్చాయి. అయితే నయన కంటే ఈ సినిమాలో అనుష్క అయితే పెర్ఫెక్ట్ అని చిత్రబృందం భావిస్తోంది. రెండు భారీ ప్రాజెక్ట్స్ తో బిజీగా ఉన్న అనుష్క ఈ సినిమాలో నటించడానికి డేట్స్ అడ్జస్ట్ చేయగలదో లేదో.. చూడాలి!
