అనుష్క నిశ్శబ్దం కు షాకింగ్ టి.ఆర్.పి..!

‘భాగమతి’ తరువాత రెండేళ్లు కష్టపడి ‘నిశ్శబ్దం’ సినిమా చేసింది అనుష్క.కోలీవుడ్ క్రేజీ నటుడు మాధవన్ కూడా కీలక పాత్ర పోషించాడు. ఈ చిత్రంలో అనుష్క మూగ మరియు చెవుడు కలిగిన అమ్మాయిగా కనిపించింది.మాటలు లేకుండా హావభావాలు ప్రదర్శించాల్సిన ఛాలెంజింగ్ పాత్ర అది. ఇందుకోసం కొన్ని నెలల పాటు ట్రైనింగ్ కూడా తీసుకుంది. ట్రైనర్ ను కూడా పెట్టుకుని.. ఎన్నో వర్కౌట్లు చేసి స్లిమ్ అయ్యింది. అనుష్క అంత కష్టపడినా.. సినిమాకి మాత్రం మంచి ఆదరణ దక్కలేదు.

హేమంత్ మధుకర్ డైరెక్షన్లో తెరకెక్కిన ‘నిశ్శబ్దం’ చిత్రాన్ని ‘పీపుల్ మీడియా ఫ్యాక్టరీ’ మరియు ‘కోన ఫిలిం కార్పొరేషన్’ సంస్థల పై విశ్వప్రసాద్ మరియు కోన వెంకట్ లు కలిసి నిర్మించారు. నిజానికి థియేటర్లలోనే ఈ చిత్రాన్ని విడుదల చెయ్యాలి అనుకున్నారు కానీ.. కరోనా కారణంగా అమెజాన్ ప్రైమ్ లో విడుదల చెయ్యాల్సి వచ్చింది. అక్కడ మొదట ఈ చిత్రానికి ప్లాప్ టాక్ వచ్చింది. కానీ తరువాత నుండీ ఎక్కువ మంది వీక్షించడం వలన ఈ చిత్రం కొన్న అమెజాన్ వారు సేఫ్ అయిపోయారు.

చాలా గ్యాప్ తరువాత వచ్చిన అనుష్క సినిమా కాబట్టి.. బాగానే గట్టెక్కేసింది అనుకోవాలి. అయితే ఇటీవల ఈ చిత్రం ప్రీమియర్ ను జీ తెలుగు వారు టెలికాస్ట్ చేశారు. కానీ ఇక్కడ కూడా ఈ చిత్రానికి ఆదరణ దక్కలేదు. దాంతో కేవలం 3.92 టి.ఆర్.పి రేటింగ్ మాత్రమే నమోదయ్యింది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!