పనిని ప్రేమించే నటి అనుష్క శెట్టి. తనకు సూటయ్యే కథలను ఎంచుకుంటూ పాత్రలో పరకాయ ప్రవేశం చేసే స్వీటీ బ్లాక్ లేడీ ని సొంతం చేసుకుంది. రుద్రమదేవి లోని నటనకు ఉత్తమ నటిగా ఫిల్మ్ ఫేర్ అవార్డు అందుకుంది. ఈ సందర్బంగా అనుష్క సోదరుడు గుణరాజన్ శెట్టి రుద్రమదేవి చిత్ర బృందానికి శుభాకాంక్షలు తెలిపారు. తన సోదరి అనుష్క హార్డ్ వర్క్, డెడికేషన్ తో ఉన్నత శిఖరాలను అధిరోహిస్తున్నందుకు ఆనందంగా ఉందని చెప్పారు. దీంతో అనుష్క అన్నయ్య కు థాంక్స్ చెప్పింది. గుణరాజన్ తో సెల్ఫీ దిగి సోషల్ మీడియాలో పోస్ట్ చేసింది. ఈ ఫోటోల్లో వివిధ హావభావాలతో ఉన్న స్వీటీ క్యూట్ గా ఉంది.
ప్రస్తుతం అనుష్క బాహుబలి – ది కంక్లూజన్ షూటింగ్ లో బిజీగా ఉంది. ఈ చిత్రం పూర్తి అయినా వెంటనే కె. రాఘవేంద్ర రావు దర్శకత్వం లో “నమో వెంకటేశా” చిత్రంలో సన్యాసిగా నటించనుంది. తర్వాత భాగమతిలో టైటిల్ రోల్ పోషిస్తోంది. ఈ సినిమాకు రూ. మూడు కోట్లు అందుకోనున్నట్లు సమాచారం. టాలీవుడ్లో అధిక పారితోషికం తీసుకునే నటీమణుల్లో ఈమె అగ్రస్థానంలో నిలిచింది. ఎంత ఎత్తుకు ఎదిగినా పరిశ్రమలోకి అడుగు పెట్టినప్పుడు ఏ విధంగా శ్రద్ధగా పనిచేసిందో .. ఇప్పుడూ అంతే కష్టపడుతూ .. నిర్మాతలు, దర్శకులు మెచ్చే నటిగా పేరు తెచ్చుకుంటోంది.
