అనుష్క శర్మ డేరింగ్‌కి హ్యాట్సాఫ్‌ అంటున్న నెటిజన్లు

January 1, 2021 / 01:34 PM ISTByFilmy Focus

Join Us

అనుష్క శర్మ డేరింగ్‌కి హ్యాట్సాఫ్‌ అంటున్న నెటిజన్లు

గర్భవతి అయ్యాక ఆ విషయాన్ని చెప్పడానికి కూడా చాలామంది జంకుతున్న రోజులివి. చెబుదాంలే అని కొందరు, ఇప్పుడు వద్దులే అని ఇంకొందరు అంటుంటారు. కొందరు చెప్పినా బేబీ బంప్‌తో ఫొటోలు దిగడానికి మొహమాట పడుతుంటారు. ఈ విషయంలో ఎవరి కారణాలు వారికి ఉండొచ్చు. కానీ మన సినిమా హీరోయిన్లు మాత్రం ఈ విషయంలో చాలా డేరింగ్‌గా వ్యవహరిస్తుంటారు. బేబీ బంప్స్‌తో ఫొటోలు సోషల్‌ మీడియాలో షేర్‌ చేస్తుంటారు. ఇప్పటివరకు చాలామంది నాయికలు ఇలా ఫొటోలకు పోజులిచ్చారు. వారందరికీ భిన్నంగా, ఇంకా చెప్పాలంటే రెండాకులు ఎక్కువే చేసింది అనుష్క శర్మ. బేబీ బంప్‌తో ఏకంగా ఓ వీడియో యాడ్‌ షూట్‌ చేసింది.

ఓ క్రెడిట్‌ కార్డు కంపెనీ యాడ్‌ ఇప్పుడు సోషల్‌ మీడియాలో హల్‌ చల్‌ చేస్తోంది. ఇంటి నుంచి బయటకు వెళ్లకుండా క్రెడిట్‌ కార్డు పొండం ఎలా అనేది కాన్సెప్ట్‌. గర్భవతి అయిన అనుష్క శర్మ ఇందులో అలానే కనిపించింది. కరోనా టైమ్‌లో జాగ్రత్తలు పాటించాలంటే ఇంటి నుంచి బయటకు వెళ్లకూడదు అని చెబుతూనే, యాడ్‌ పూర్తి చేసింది. మధ్యలో కడుపులో బిడ్డ ఉన్న విషయాన్ని గుర్తు చేసే విధానం ఆకట్టుకుంటోంది. ఇదంతా యాడ్‌ అనుకుందాం.. కానీ బేబీ బంప్‌తో ఇలా యాడ్‌ చేయడం డేరింగే కదా. ఈ లెక్కన చూస్తుంటే కరీనా కపూర్‌ స్టైల్‌లోనే డెలివరీ అయిన కొద్ది రోజులకే షూటింగ్‌లో పాల్గొనే అవకాశమూ ఉంది.

అనుష్క శర్మ డెలివరీ త్వరలోనే జరగనుంది. ఆమె పండంటి బిడ్డకు జన్మనివ్వాలని అభిమానులు వేచి చూస్తున్నారు. భర్త విరాట్‌ కోహ్లీ కూడా ఆస్ట్రేలియా నుంచి పితృత్వ సెలవులు తీసుకొని భారత్‌ వచ్చేశాడు. దగ్గరుండి అనుష్కను, పుట్టబోయే బిడ్డను చూసుకోవాలని కోహ్లీ ఈ సెలవుల నిర్ణయం తీసుకున్న విషయం తెలిసిందే.