స్వీట్ అనుష్క ఇక నుంచి లేడీ ఓరియెంటెడ్ సినిమాలే చేయబోతుందా?.. హీరోల సరసన డ్యూయెట్స్ పాడేందుకు నో చెబుతోందా? అంటే అవుననే చెబుతున్నారు సినీ వర్గాల వారు. అరుంధతి వంటి లేడీ ఓరియెంటెడ్ కథతో బ్లాక్ బస్టర్ హిట్ సాధించిన తర్వాత అనుష్క కెరీర్ ఊపందుకుంది. ఆ తర్వాత స్టార్ హీరోల సరసన నటించేందుకు ఒకే చెబుతూ వచ్చింది. అలాగే పంచాక్షరీ, జీరో సైజ్, రుద్రమదేవి వంటి సినిమాలు చేశారు. బాహుబలి చిత్రాలలోనూ దేవసేనగా బలమైన రోల్ చేశారు. ఆ తర్వాత బాలీవుడ్ నుంచి సైతం హీరోయిన్ గా అవకాశాలు వచ్చాయి. అయినా వాటికీ తిరస్కరించి భాగమతి అనే లేడీ ఓరియెంటెడ్ మూవీ చేసింది.
ఇది సూపర్ హిట్ అయింది. తెలుగు, తమిళంలో మంచి కలక్షన్స్ రాబట్టింది. ఈ విజయం అందుకొని ఏడాది గడిచిపోతున్నా ఆమె మరో సినిమాకి సంతకం చేయలేదు. తాజాగా మరో లేడీ ఓరియెంటెడ్ కథకు ఓకే చెప్పినట్టు తెలిసింది. యువ దర్శకుడు హేమంత్ వినిపించిన కథ నచ్చడంతో ఆమె అంగీకరించినట్టుగా టాక్. కోన కార్పొరేషన్, పీపుల్స్ మీడియా వారు ఈ సినిమాను సంయుక్తంగా నిర్మించనున్నారని సమాచారం. ఈ సినిమాలో మాధవన్ కీలక రోల్ పోషించనున్నట్టు ఫిలిం నగర్ వాసులు చెప్పారు. ఈ మూవీ గురించి పూర్తి వివరాలు త్వరలోనే రానున్నాయి.
