Anushka: అనుష్క రిస్క్‌ చేస్తోందా? లేక తనేంటో చూపించాలని అనుకుంటోందా?

అనుష్క (Anushka) ఫుల్‌ స్వింగ్‌లో ఉంటే సినిమాల రిజల్ట్‌లో ఆమె వాటా ఎంతో మనందరికీ తెలిసిందే. అందుకే విజయ శాంతి (Vijayashanti) తర్వాత హీరోయిన్‌ ఓరియెంటెడ్‌ రోల్స్‌ అంటే ఆమే గుర్తొచ్చేది. ఆమె సౌండ్‌ తగ్గాకే నయనతార ఆ ప్లేస్‌లోకి వచ్చింది. ఇప్పుడు ఈ చర్చంతా ఎందుకు అంటే… అనుష్క ఇప్పుడు మళ్లీ ఫ్రెష్‌గా సినిమాల్లోకి వచ్చింది. అదేంటి మొన్నీమధ్యే ‘మిస్‌ శెట్టి మిస్టర్‌ పొలిశెట్టి’ (Miss Shetty Mr. Polishetty) సినిమాతో వచ్చింది కదా అంటారా? అవును వచ్చింది అయితే ఇప్పుడు విషయం ఏంటంటే… సన్నబడి సరికొత్త లుక్‌లో వచ్చింది.

ఇంతకాలం పాజిటివ్ రోల్స్ చేస్తూ వచ్చిన అనుష్క… ఇప్పుడు ఫ్రెష్‌ లుక్‌ సరికొత్త పాత్రతో వస్తోంది అంటున్నారు. ఆ పాత్రలు బోర్ కొట్టాయో ఏమో కానీ ఇప్పుడు నెగిటివ్ రోల్ చేయడానికి సిద్ధపడింది అంటున్నారు. రెండు షేడ్స్ ఉన్న ప్రధాన పాత్రలో అనుష్క నటిస్తోంది అని టాక్‌. ఇటీవల మొదలైన మలయాళం సినిమాలోనే అనుష్క అలా కనిపించబోతోందట. అనుష్క శెట్టి ప్రధాన పాత్రలో ‘కథనార్’ అనే ఓ మలయాళ హారర్ మూవీ ఇటీవల మొదలైంది. ఈ సినిమాతోనే అనుష్క మాలీవుడ్ ఎంట్రీ ఇస్తోంది.

రోజిన్ థామస్ దర్శకత్వంలో అనుష్క శెట్టి నటిస్తున్న ఈ సినిమాలో మూఢ న‌మ్మ‌కాలు, క్షుద్ర పూజ‌లు, ఆత్మ‌లు వంటి వాటితో ఫాంట‌సీ అంశాలను ప్రస్తావించబోతున్నారట. అలాగే కీలక సన్నివేశాల కోసం వర్చువల్ ప్రొడక్షన్ టెక్నాలజీని వాడుతున్నారట. ఈ విధానంలో రూపొందే మొట్ట మొదటి ఇండియన్ సినిమా ఇదే అని చెబుతున్నారు. ఈ సినిమాలోనే అనుష్క నెగిటివ్ రోల్ చేస్తోందట. అయితే అది ట్విస్ట్‌ తరహాలో రివీల్‌ అవుతుంది అంటున్నారు.

అతీంద్రియ శక్తులు ఉన్నాయని నమ్మే కేరళ పూజారి కడమతుత్తు కథనార్ కథల ఆధారంగా ఈ సినిమాని తెరకెక్కిస్తున్నారు. యదార్థ ఘటనల స్ఫూర్తితో తెరకెక్కుతున్న ఈ సినిమా కడమట్టు అనే ప్రాంతంలోని ఓ చర్చి ఫాదర్ జీవితం నేపథ్యంలో సాగుతుందట. ఈ సినిమాను పాన్ ఇండియా లెవల్‌లో మొత్తం 14 భాషల్లో రిలీజ్‌ చేస్తారట.

ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు

భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?