అనుష్క మళ్ళీ లుక్ మార్చనుందా?

January 21, 2021 / 02:24 PM ISTByFilmy Focus

Join Us

టాలీవుడ్ స్వీటి అనుష్క శెట్టి చాలా రోజుల తరువాత మళ్ళీ ఒక డిఫరెంట్ లుక్ తో ఆకట్టుకోబోతున్నట్లు సమాచారం. బాహుబలి అనంతరం స్పీడ్ పెంచుతుందని అనుకుంటే మళ్ళీ అమ్మడు ఎప్పటిలానే ఆచి తూచి అడుగులు వేస్తోంది. ఇక బాగమతి తరువాత అనుష్క చేసిన సినిమా నిశ్శబ్దం డైరెక్ట్ గా ఓటీటీలో విడుదలైన విషయం తెలిసిందే.

అయితే ఆ సినిమా అనుకున్నంత రేంజ్ లో క్లిక్కవ్వలేదు. ఇక ఆ మధ్య సైరా సినిమాలో కూడా గెస్ట్ రోల్ లో కనిపించిన అనుష్క గతంలో మాదిరిగా అయితే ఆడియెన్స్ ను థ్రిల్ చేయలేదు. ఇక నెక్స్ట్ సిసినిమాతో మాత్రం వీలైనంత వరకు బాక్సాఫీస్ వద్ద పవర్ఫుల్ హిట్ కొట్టాలని చూస్తోంది. అందుకోసం పూర్తిగా తన ఫిట్నెస్ లో మార్పులు చేసే అవకాశం ఉన్నట్లు తెలుస్తోంది.

రారా కృష్ణయ్య దర్సకుడు మహేష్ తో ఒక సినిమా చేయడానికి గ్రీన్ సిగ్నల్ ఇచ్చిన అనుష్క ఆ సినిమా కోసం సరికొత్త ఫిట్నెస్ తో కనిపిస్తుందట. ఆ సినిమా ఏ జానర్ లో తెరకెక్కుతుందో గాని అనుష్క మాత్రం తప్పకుండా మళ్ళీ తన నట విశ్వరూపాన్ని అందులో చుపించే ఛాన్స్ ఉన్నట్లు టాక్ వస్తోంది. ఆఫర్స్ చాలానే వస్తున్నప్పటికీ అనుష్క అంత ఈజీగా ఒప్పుకోవడం లేదట. దర్శకులు కొత్త వారైనా కూడా వీలైనంత వరకు కథ నచ్చితేనే సినిమా చేయడానికి ఒప్పుకుంటోందట, మరి రాబోయే సినిమాలో మహేష్ ఆమెను ఎలా ప్రజెంట్ చేస్తాడో చూడాలి.