ఈ రోజుల్లో సోషల్ మీడియా వాడకం గురించి.. ఏదైనా ఓ వార్త వైరల్ లేదా ట్రెండ్ అవడం అనేదాని గురించి కొత్తగా చెప్పక్కర్లేదు.. సెలబ్రిటీల ఫ్యాన్స్ ఈ విషయంలో అందరికంటే ముందుంటారు.. ఏ చిన్న అప్ డేట్ అయినా సరే క్షణాల్లో దాన్ని నేషనల్, ఇంటర్నేషనల్ వైడ్ ట్రెండ్ చేసేస్తుంటారు.. ఇప్పుడు పవర్ స్టార్ పవన్ కళ్యాణ్ హ్యాష్ ట్యాగ్ ట్విట్టర్ ట్రెండింగ్ లో టాప్ ప్లేస్ లో ఉంది..
పవన్ కొత్త సినిమాకి సంబంధించిన అప్ డేట్ అయ్యి ఉంటుంది.. అందుకే ట్రెండ్ అవుతుంది అనుకుంటున్నారా? అదేం కాదు.. పవన్ పాలిటిక్స్ గురించే అదంతా.. ఏపీ రాజకీయాల్లో జనసేనాని పాత్ర ఏంటి? 2024లో పవన్ పార్టీ వ్యూహం ఏంటనేది దానిపై నెట్టింట చర్చలు జరుగుతున్నాయి.. రీసెంట్ గా వైజాగ్ లో జనసేన కార్యకర్తల అరెస్టులు, పవన్ కి బెదిరింపులు, చంద్రబాబు ఫోన్ లో పరామర్శలు లాంటి పరిణామాలు జరిగాయి…
ఇక తనను ప్యాకేజీ స్టార్ అంటున్న అధికార పార్టీ వారికి చెప్పు చూపించి మరీ స్ట్రాంగ్ వార్నింగ్ ఇచ్చాడు పవర్ స్టార్. అన్నయ్య నాగబాబు, నాదెండ్ల మనోహర్ లతో కలిసి చంద్రబాబుతో భేటీ అయ్యాడు. అందుకు సంబంధించిన పిక్స్, వీడియోస్ వైరల్ అయ్యాయి. 2014 ఎన్నికల్లో ఏపీలో తెలుగుదేశం ప్రభుత్వం అధికారంలోకి రావడానికి పవన్ కూడా ఓ కారణం అనే మాటలు విన్నాం.. వింటూనే ఉన్నాం.. రీసెంట్ గా వీరిద్దరూ భేటీ కావడంతో వచ్చే ఎన్నికల్లో పొత్తు కన్ఫమ్ అనే వార్తలు వైరల్ అవుతున్నాయి.
అలాగే.. టీడీపీకీ, బీజేపీకీ పొంతన కుదర్లేదు కనుక పవన్ బీజేపీతో ఉన్నాడు కనుక పొత్తు కుదరదు.. గత ఎన్నికల్లో రెండు చోట్లా ఓడిపోయిన పవర్ స్టార్ ఈసారి పవర్ కోసం సోలోగానే రంగంలోకి దిగబోతున్నాడు అనే మాటలు కూడా వినిపిస్తున్నాయి.. ఈ నేపథ్యంలో పవన్ ఫ్యాన్స్ ఓ అడుగు ముందుకేసి #APNeedsPawanKalyan అనే హ్యాష్ ట్యాగ్ ని ట్రెండ్ చేస్తున్నారు. ప్రస్తుతం ట్విట్టర్ ట్రెండింగ్ లో టాప్ 2లో ఉందీ హ్యాష్ ట్యాగ్..
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
