‘అరబిక్‌ కుత్తు’ పాట యూట్యూబ్‌లో ఎన్ని సంచలనాలు సృష్టిస్తోందో అందరికీ తెలిసిందే. ఈ పాటను రెగ్యులర్‌గా ఫాలో అవుతున్నవాళ్లకు ఆ పాట వ్యూస్‌ కౌంట్‌ గురించి కొత్తగా చెప్పక్కర్లేదు. విడుదలైన రోజు నుండి వ్యూస్‌ పరంగా దూసుకుపోతూనే ఉంది. ఈ వార్త రాస్తున్నప్పుడు పాట వ్యూస్‌ 74 మిలియన్ల ప్లస్‌ ఉంది. మీరు చదివేటప్పటకి ఆ నెంబరు 75 మిలియన్లు లేదంటే ఎక్కువే ఉండొచ్చు. ఆ రేంజిలో హవా సాగుతోంది మరి. అయితే ఆ పాటలో రెండు మార్పులు చేశారు.
అవును, యూట్యూబ్‌లో ఉన్న ఆ పాటలో రెండు దగ్గర్ల ఫుటేజ్‌ మార్చారు. అదేంటి రిలీజ్‌ చేశాక యూట్యూబ్‌ వీడియలో మార్పులు చేయొచ్చా… అంటే వాళ్లు మార్చారు కాబట్టి చేయొచ్చు అనే చెప్పాలి. పాట ఫిబ్రవరి 14న విడుదలైంది. పాటలో రెండు నిమిషాల 40 సెకన్లు, మూడు నిమిషాల టైమ్‌లో పాట ప్రాక్టీస్‌ చేస్తున్న ఫుటేజ్‌ ఉంటుంది. నెమలిలా డ్యాన్సర్లంతా నడుస్తున్నట్లు ఒకటి, మరొకటి డ్యాన్స్‌ స్టెప్పులు వేస్తున్నప్పుడు ఏరియల్‌ షాట్‌. అయితే ఈ రెండూ ఇప్పుడు లేవు.
అవును, మీరు పాటను మొదటి రోజు నుండి ఫాలో అవుతున్నట్లయితే… ఈ విషయాన్ని స్పష్టంగా గమనించొచ్చు. మేం పైన చెప్పిన రెండు చోట్లా ఇప్పుడు కొత్త ఫుటేజ్‌ కనిపిస్తోంది. నెమలి లాంటి స్టెప్‌ ప్రాక్టీస్‌ దగ్గర వేరే ఫుటేజ్‌ ఉంది. అలాగే మూడు నిమిషాల దగ్గర కూడా ఫుటేజ్‌ మార్చారు. అయితే ఇలా ఎందుకు మార్చారు, దీని వెనుక కారణం ఏమైనా ఉందా అనేది తెలియాలి. ఒకవేళ స్పెషల్‌గా మార్చారు అనుకుంటే… కొత్త స్టెప్‌లు యాడ్‌ చేయాలి. అంతేకానీ ప్రాక్టీస్‌ ఫుటేజ్‌ మారిస్తే ఏమొస్తుంది. సో ‘బీస్ట్‌’ టీమ్‌ చెప్పాలి.
ఇక ఈ సినిమా సంగతి చూస్తే ‘కోకో’, ‘డాక్టర్‌’ సినిమాలతో ఆకట్టుకున్న నెల్సన్‌ దిలీప్‌ కుమార్‌ డైరక్షన్‌లో విజయ్ నటిస్తున్న సినిమా ఇది. తమిళ సంవత్సరాది కానుకగా ఈ సినిమాను ఏప్రిల్‌ 14న విడుదల చేస్తారని సమాచారం. ఇక ‘అరబిక్‌ కుత్తు’ పాటకు జానీ మాస్టర్‌ నృత్య రీతులు సమకూర్చారు. అనిరుథ్‌ సంగీతమందించారు. ఆయనతోపాటు జొనైటా గాంధీ కలసి ఆలపించింది.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
