చోటా కె నాయుడు తమ్ముడు పై కేసు పెట్టిన ‘అర్జున్ రెడ్డి’ బ్యూటీ..?

సినిమాటోగ్రాఫర్ చోటా.కె.నాయుడు తమ్ముడు శ్యామ్.కె.నాయుడు కూడా తెలుగు సినీ ఇండస్ట్రీలో క్రేజ్ ఉన్న సినిమాటోగ్రఫరే అన్న సంగతి తెలిసిందే. హీరో సందీప్ కిషన్ కు ఇతను కూడా మేనమామే..! ‘ఒసేయ్ రాములమ్మా’ చిత్రంతో సినీ ఇండస్ట్రీలో అడుగుపెట్టిన శ్యామ్ .. ‘రాజా’ ‘నువ్వు వస్తావని’ ‘మాస్’ వంటి వరుస హిట్ సినిమాలకు పనిచేసాడు. పూరిజగన్నాథ్ డైరెక్షన్లో వచ్చిన దాదాపు సినిమాలన్నిటికీ ఈయనే సినిమాటోగ్రాఫర్ గా పనిచేసాడు. పవన్ కళ్యాణ్ ‘కెమెరామెన్ గంగతో రాంబాబు’ , మహేష్ బాబు ‘పోకిరి’ ‘బిజినెస్ మెన్’, రాంచరణ్ ‘చిరుత’, ఎన్టీఆర్ ‘టెంపర్’… వంటి స్టార్ హీరోల సినిమాలకు కూడా పనిచేసాడు.

అయితే ఇతన్ని తాజాగా పోలీసులు అరెస్ట్ చెయ్యడం సంచలనంగా మారింది. వివరాల్లోకి వెళితే శ్యామ్.కె.నాయుడు తనని పెళ్ళి చేసుకుంటాను అని మాట ఇచ్చి మోసం చేసాడు అంటూ ఓ యువతి కేసు పెట్టింది. ఆ యువతి మరెవరో కాదు ‘అర్జున్ రెడ్డి’ చిత్రంలో నటించిన సాయి సుధ.అవును శ్యామ్.. ఈమెను పెళ్ళి చేసుకుంటాను అని మాట ఇచ్చాడట.కానీ మాట నిలబెట్టుకోకుండా చీట్ చేసాడని ఈమె ఎస్.ఆర్.నగర్ పోలీస్ స్టేషన్ లో కంప్లైంట్ ఇచ్చిందట.

దాంతో శ్యామ్ ను వెంటనే పోలీస్ లు అదుపులోకి తీసుకుని విచారిస్తున్నారట. అయితే సాయి సుధ ఫిర్యాదులో పేర్కొన్నదంతా అబద్దమని కూడా శ్యామ్ కె నాయుడు చెబుతున్నట్టు తెలుస్తుంది. గతంలో హైదరాబాద్ డ్రగ్స్ స్కామ్ లో కూడా ఇతన్ని విచారించిన సంగతి తెలిసిందే. ఇక సాయి సుధ.. నాని హీరోగా నటించిన ‘ఎవడే సుబ్రహ్మణ్యం’ చిత్రంలో కూడా నటించింది.

Most Recommended Video

అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!