హీరో అర్జున్ తల్లి మృతి.. విషాదంలో అర్జున్ ఫ్యామిలీ..!

July 23, 2022 / 01:12 PM IST

Join Us

హీరో అర్జున్ తల్లి మృతి.. విషాదంలో అర్జున్ ఫ్యామిలీ..!

యాక్షన్ కింగ్ అర్జున్ ఇంట్లో విషాదం చోటు చేసుకుంది. ఆయన తల్లి లక్ష్మి దేవమ్మ ఈరోజు పరమపాదించారు.ఆమె వయసు 85 సంవత్సరాలు. ఆమె మైసూర్ లో స్కూల్ టీచర్ గా పనిచేసేవారు.అర్జున్ తండ్రి శక్తి ప్రసాద్ ను వివాహం చేసుకున్న ఈమె ఇద్దరు కుమారులు. ఒక కుమార్తెకు జన్మనిచ్చారు. ఈ మధ్య ఈమె ఆరోగ్యం నిలకడగా లేకపోవడం వలన ఆమె మరణించినట్లు తెలుస్తోంది. ప్రస్తుతం ఆమె పార్థీవ దేహం బెంగళూరులోని అపోలో హాస్పిటల్ లో ఉన్నట్టు తెలుస్తుంది.

అర్జున్ తన తల్లి గురించి చాలా సార్లు గొప్పగా చెప్పడం మనం చూశాం. ఆయన హీరోగా ఎదగడంలో తన తండ్రికి ఉన్న సినీ బ్యాక్ గ్రౌండ్ ప్లస్ అయినప్పటికీ.. హీరోగా స్టార్ డంని సంపాదించుకోవడానికి ఆమె తల్లి ఇచ్చి ప్రోత్సాహమే కారణమని అర్జున్ చాలా సందర్భాల్లో చెప్పుకొచ్చారు. ఇప్పటికీ స్టార్ గా రాణించడంలో అలాగే దర్శకుడిగా కూడా సినిమాలు చేయడంలో ఆమె తల్లి ఇచ్చిన కాన్ఫిడెన్స్ ఎక్కువని ఆయన చెప్పుకొచ్చారు.

ఇక లక్ష్మి దేవమ్మ గారి పార్థీవ దేహాన్ని సందర్శించేందుకు, తమిళ సినీ ప్రముఖులు అలాగే కన్నడ సినీ ప్రముఖులు వెళ్తున్నారు. అర్జున్ కు ధైర్యం చెప్పి తమ ప్రగాఢ సానుభూతిని తెలియజేస్తున్నారు. ఇక అర్జున్ సినిమాల విషయానికి వస్తే ఈ ఏడాది ఆరంభంలో వచ్చిన రవితేజ ‘ఖిలాడి’ చిత్రంతో అలరించిన ఆయన ప్రస్తుతం టాలీవుడ్ క్రేజీ హీరో విశ్వక్ సేన్ తో ఓ సినిమాని తెరకెక్కిస్తున్నారు. తెలుగులో ఆయన డైరెక్ట్ చేస్తున్న మొదటి మూవీ ఇదే. ఈ మూవీలో అర్జున్ కుమార్తె ఐశ్వర్య సార్జా హీరోయిన్ గా నటిస్తుండడం విశేషం.