‘అర్జున్ సురవరం’ ఎంత రాబట్టాలంటే..?

ఎప్పటినుండో ప్రేక్షకులని ఊరిస్తూ.. ఊరిస్తూ వస్తోన్న ‘అర్జున్ సురవరం’ చిత్రం మొత్తానికి నవంబర్ 29 న విడుదలకు సిద్ధమైంది. నిఖిల్, లావణ్య త్రిపాఠి జంటగా నటించిన ఈ చిత్రాన్ని టి.సంతోష్ డైరెక్ట్ చేసాడు. రాజ్ కుమార్ ఆకెళ్ళ నిర్మిస్తున్న ఈ చిత్రానికి ‘ఠాగూర్’ మధు సమర్పకుడు. మొదట ఈ చిత్రాన్ని మార్చి లో విడుదల చెయ్యాలి అనుకున్నారు.. తరువాత మే లో రిలీజ్ అన్నారు.. కానీ ఎందుకో విడుదల కాలేదు. ఇలా రిలీజ్ వాయిదా పడుతూ వచ్చిన కారణంగా ఈ చిత్రానికి ఆశించిన స్థాయిలో థియేట్రికల్ బిజినెస్ జరగలేదనే చెప్పాలి.

ఇక ట్రేడ్ వర్గాల సమాచారం ప్రకారం.. ‘అర్జున్ సురవరం’ చిత్రానికి 5 కోట్ల థియేట్రికల్ బిజినెస్ మాత్రమే జరిగినట్టు సమాచారం. సో ఈ చిత్రం 5 కోట్ల షేర్ ను రాబడితే బ్రేక్ ఈవెన్ సాధించేసినట్టే. ఈ వారం పెద్ద సినిమాలు కాదు కదా .. క్రేజ్ ఉన్న సినిమాలు కూడా ఏమీ లేవు కాబట్టి ‘అర్జున్ సురవరం’ కి కలిసొచ్చినట్టే. రాంగోపాల్ వర్మ ‘అమ్మ రాజ్యంలో కడప బిడ్డలు'(కమ్మ రాజ్యంలో కడప రెడ్లు టైటిల్ మార్చారు) కూడా విడుదల వాయిదా పడినట్టు సమాచారం. మరి ఈ వీకెండ్ ను నిఖిల్ ఎంతవరకూ క్యాష్ చేసుకుంటాడో చూడాలి.

ఈ సెలబ్రిటీలకు వచ్చిన జబ్బులు పేరు వినడానికే కొత్తగా ఉన్నాయి..!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!