‘ది లెజెండ్’ అనే చిత్రం ఈ శుక్రవారం ప్రేక్షకుల ముందుకు వచ్చింది. ఈ సినిమా ఇండియా వైడ్ తెగ ట్రెండ్ అయ్యింది. అయితే పాజిటివ్ గా కాదు నెగిటివ్ గా..! ప్రముఖ వ్యాపారవేత్త అరుళ్ శరవణన్ ఈ చిత్రంతో హీరోగా పరిచయమయ్యాడు.ఇప్పటివరకు ఓ వ్యాపారవేత్తగా, మోడల్ గా మాత్రమే ప్రేక్షకులకు పరిచయమైన అరుళ్ శరవణన్ ఈ చిత్రంతో హీరోగా ఎంట్రీ ఇవ్వడం జరిగింది. ఇందులో తప్పేమీ ఉంది అనే ప్రశ్న ఎవరికైనా రావచ్చు.
అతను 51 ఏళ్ళకి హీరోగా ఎంట్రీ ఇచ్చాడు. అతని వయసుని, లుక్స్ ని టార్గెట్ చేసి కొందరు నెటిజన్లు ట్రోలింగ్ చేయడం మొదలుపెట్టారు. అందువల్ల ‘ది లెజెండ్’ చిత్రం దేశవ్యాప్తంగా పాపులర్ అయ్యింది. దీంతో ఈ చిత్రాన్ని వీకెండ్ మూవీ లవర్స్ చూడడానికి ఇంట్రెస్ట్ చూపించారు. కాకపోతే ఈ చిత్రం ప్రదర్శింపబడుతున్న థియేటర్లలోని క్లిపింగ్స్ సోషల్ మీడియాలో పోస్ట్ చేసి.. ట్రోల్ చేస్తున్నారు నెటిజన్లు. ఇదిలా ఉండగా.. ఈ సినిమాలో హీరో భార్య చనిపోతుంది.
ఆ సన్నివేశంలో చాలా ఎమోషన్ ముడిపడి ఉంటుంది. కానీ ఈ సీన్ వచ్చినప్పుడు హీరో శరవణన్ హావభావాలను చూసి థియేటర్లలో కొంత మంది ప్రేక్షకులు నవ్వుతున్నారు. ఇందుకు సంబంధించిన వీడియో సోషల్ మీడియాలో వైరల్ అవుతుంది. ఈ సినిమాని కొందరు సంపూర్ణేష్ బాబు సినిమాని చూసినట్టు చూస్తుండటం గమనార్హం. అయితే ఇక్కడొక విషయాన్ని గమనించాలి. ‘ది లెజెండ్’ చిత్రాన్ని శరవణన్ తన సొంత డబ్బుతోనే నిర్మించుకున్నాడు. ఈ చిత్రంతో అతను తన డ్రీం ను కూడా ఫుల్ ఫిల్ చేసుకున్నాడు.
అదే విధంగా తన షాపింగ్ మాల్స్ కు విపరీతమైన పబ్లిసిటీ జరిగింది. కాబట్టి అంత చులకనగా చూడాల్సిన పని లేదు అంటూ కొంతమంది ఇతనికి సపోర్ట్ చేస్తుండడం కూడా విశేషం. ఇక ‘ది లెజెండ్’ చిత్రంలో ఊర్వశి రౌతేలా హీరోయిన్ గా నటించింది. అలాగే కోలీవుడ్ కు చెందిన స్టార్ క్యాస్ట్ ఈ చిత్రంలో నటించడం విశేషం.
— Hardin (@hardintessa143) July 30, 2022
