చైతన్య మూవీలో చరణ్ విలన్ నటిస్తున్నారా?

September 28, 2022 / 11:34 PM IST

Join Us

టాలీవుడ్ మిడిల్ రేంజ్ లో హీరోలలో ఒకరైన నాగచైతన్యకు ఈ ఏడాది వరుస షాకులు తగిలాయనే సంగతి తెలిసిందే. బంగార్రాజు సినిమాతో అబవ్ యావరేజ్ రిజల్ట్ ను అందుకున్న నాగచైతన్య థాంక్యూ, లాల్ సింగ్ చడ్డా సినిమాలతో వరుసగా రెండు డిజాస్టర్లను ఖాతాలో వేసుకున్నారు. లాల్ సింగ్ చడ్డా సినిమా తెలుగు రాష్ట్రాల్లో కనీసం కోటి రూపాయల కలెక్షన్లను కూడా సొంతం చేసుకోలేదంటే ఈ సినిమా రేంజ్ ఏంటో సులువుగానే అర్థమవుతుంది.

నాగచైతన్య గత సినిమాలు ఫ్లాపైనా తర్వాత సినిమాలపై మాత్రం భారీ స్థాయిలో అంచనాలు ఏర్పడ్డాయి. వెంకట్ ప్రభు డైరెక్షన్ లో ఒక సినిమాలో పరశురామ్ డైరెక్షన్ లో ఒక సినిమాలో నాగచైతన్య నటిస్తున్నారు. ప్రస్తుతం చైతన్య హీరోగా వెంకట్ ప్రభు డైరెక్షన్ లో తెరకెక్కుతున్న సినిమా షూటింగ్ శరవేగంగా జరుగుతోంది. ఈ సినిమాలో అరవింద స్వామి కీలక పాత్రలో నటిస్తున్నారని బోగట్టా. బాలయ్య అనిల్ రావిపూడి కాంబో మూవీలోని కీలక పాత్ర కోసం అరవింద స్వామి పేరును పరిశీలించడం జరిగింది.

అయితే అరవింద స్వామి భారీ మొత్తంలో డిమాండ్ చేయడం నిర్మాతలు అందుకు అంగీకరించకపోవడంతో ఈ ప్రాజెక్ట్ నుంచి ఆయన తప్పుకున్నారు. అయితే వెంకట్ ప్రభు చైతన్య సినిమాలో నటించడానికి అరవింద స్వామిని ఒప్పించినట్టు సమాచారం అందుతోంది. ఈ సినిమా భారీ బడ్జెట్ తోనే తెరకెక్కుతోందని తెలుస్తోంది. ధృవ సినిమాలో చరణ్ కు విలన్ గా నటించి పాపులారిటీని సంపాదించుకున్న అరవింద స్వామి బాలయ్య సినిమాకు నో చెప్పి చైతన్య సినిమాకు ఓకే చెప్పడం బాలయ్య ఫ్యాన్స్ ను బాధ పెడుతోంది.

నాగచైతన్య తర్వాత సినిమాలతో కచ్చితంగా భారీ బ్లాక్ బస్టర్ హిట్లను సొంతం చేసుకోవాలని ఆయన అభిమానులు కోరుకుంటున్నారు. త్వరలో నాగచైతన్య కొత్త ప్రాజెక్ట్ లకు సంబంధించిన ప్రకటనలు వెలువడనున్నాయి.