Arya-Sayyeshaa: ఆర్య-సయేషాలకు బేబీ గర్ల్!

కోలీవుడ్ స్టార్ కపుల్ ఆర్య-సయేషా ఇప్పుడొక బిడ్డకు జన్మనిచ్చినట్లు తెలుస్తోంది. ఈ విషయాన్ని హీరో విశాల్ తన ట్విట్టర్ ద్వారా తెలియజేశారు. తను మావయ్య అయ్యానని.. చాలా ఎమోషనల్ గా ఉందంటూ ఆర్య-సయేషాలకు అభినందనలు తెలిపారు. ప్రస్తుతం విశాల్-ఆర్య కలిసి ‘ఎనిమీ’ అనే సినిమాలో నటిస్తున్నారు. ఈ సినిమా షూటింగ్ కోసం హైదరాబాద్ వచ్చారు. షూటింగ్ మధ్యలో ఉండగా.. ఈ గుడ్ న్యూస్ తెలిసిందని విశాల్ చెప్పుకొచ్చారు.

ఆర్య-సయేషా కలిసి తమిళంలో ‘గజినీకాంత్’ అనే సినిమా చేశారు. ఆ సినిమా సమయంలో ఒకరిపై మరొకరికి ఇష్టం ఏర్పడడంతో అది ప్రేమగా మారింది. 2019లో ఈ జంట పెళ్లి బంధంతో ఒక్కటయ్యారు. హైదరాబాద్ లోనే గ్రాండ్ గా వీరి వివాహం జరిగింది. పెళ్లి తరువాత సయేషా పెద్దగా సినిమాలు చేసింది లేదు. అయితే ఆమె గర్భవతి అనే విషయం కూడా చాలా మందికి తెలియదు. ఇప్పుడు ఆమె పండంటి ఆడబిడ్డకు జన్మనిచ్చిందని తెలుసుకున్న అభిమానులు,

ఇండస్ట్రీకి సంబంధించిన స్నేహితులు సోషల్ మీడియా వేదికగా శుభాకాంక్షలు చెబుతున్నారు. ఇక ఆర్య విషయానికొస్తే.. ఇటీవలే అతడు నటించిన ‘సార్పట్ట’ సినిమా అమెజాన్ ప్రైమ్ లో విడుదలై హిట్ టాక్ తెచ్చుకుంది.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!