దిల్ రాజు (Dil Raju) వారసుడు ఆశిష్ (Ashish Reddy) హీరోగా ‘రౌడీ బాయ్స్’ (Rowdy Boys) అనే సినిమా వచ్చింది. 2022 సంక్రాంతి కానుకగా రిలీజ్ అయిన ఈ సినిమా అంతంత మాత్రమే ఆడింది. అంతకు మించి నటుడిగా ఆశిష్ నటుడిగా ప్రూవ్ చేసుకున్నది అంటూ ఏమీ లేదు. అయితే 2 వ సినిమాగా ‘సెల్ఫిష్’ (Selfish) మొదలైంది. ‘శ్రీ వెంకటేశ్వర క్రియేషన్స్’ పై దిల్ రాజు, ‘సుక్కు రైటింగ్స్’ పై సుకుమార్ కలిసి ఈ చిత్రాన్ని నిర్మించబోతున్నట్టు అధికారికంగా ప్రకటించారు.
సుకుమార్ (Sukumar)శిష్యుడు అయినటువంటి కాశి (Kasi Vishal) ఈ చిత్రంతో దర్శకుడిగా ఎంట్రీ ఇవ్వాల్సి ఉంది. హీరోయిన్ గా ‘లవ్ టుడే’ (Love Today) బ్యూటీ ఇవేనా (Ivana)ఎంపికైంది. 50 శాతం పైనే షూటింగ్ కూడా కంప్లీట్ చేసుకుంది ఈ మూవీ. అయితే అనూహ్యంగా ఆశిష్ ‘లవ్ మీ’ సినిమా సెట్స్ పైకి వెళ్ళింది. దీంతో ‘సెల్ఫిష్’ ఆగిపోయింది అనే టాక్ మొదలైంది.
ఇప్పటికీ ఈ సినిమా ఆగిపోయిందనే అంతా అనుకుంటున్నారు. కానీ హీరో ఆశిష్ మాత్రం ‘సెల్ఫిష్’ ఆగిపోలేదు అని చెప్పి షాకిచ్చాడు. అతను మాట్లాడుతూ.. ” ‘సెల్ఫిష్’ మూవీ షూటింగ్ కొంత పార్ట్ కంప్లీట్ అయ్యింది. కాకపోతే సునీల్ వంటి కొంతమంది సీనియర్ ఆర్టిస్ట్..ల కాల్షీట్లు అందుబాటులో లేకపోవడం, కొంత పోర్షన్ నచ్చక రీ షూట్ చేయాల్సి ఉండటంతో డిలే అయ్యింది.
ఇంతలో ‘లవ్ మీ’ చేసే ఛాన్స్ నాకు వచ్చింది. 54 రోజుల్లో ఈ ప్రాజెక్టు కంప్లీట్ అయిపోతుంది అంటే.. దీని పై వర్క్ చేయడం జరిగింది. ఇప్పుడు ఇది కంప్లీట్ అయ్యింది కాబట్టి.. ‘సెల్ఫిష్’ ప్రాజెక్టు పై మళ్ళీ దృష్టి పెడతాం” అంటూ చెప్పుకొచ్చాడు ఆశిష్. ‘మరి ఇతను కవర్ చేశాడా? లేక నిజంగానే ‘సెల్ఫిష్’ ప్రాజెక్టు ఉంటుందా?’ అనే దీనిపై త్వరలోనే ఓ క్లారిటీ వచ్చే ఛాన్స్ ఉంది.
Home