మహేష్ బాబు (Mahesh Babu) మేనల్లుడు అశోక్‌ గల్లా (Ahok Galla) నుండి ఇప్పటివరకు ఒక సినిమా వచ్చింది. రెండో సినిమా రెడీ అవుతోంది అంటూ ఆ మధ్య అనౌన్స్‌ చేశారు. అయితే ఆ సినిమా రిలీజ్ సంగతి ఇంకా ఎటూ తేలకుండానే మూడో సినిమాకు కొబ్బరికాయ కొట్టేశారు. సితార ఎంటర్టైన్మెంట్స్ ఈ సినిమాను నిర్మిస్తోంది. ఒకవైపు స్టార్ హీరోలతో భారీ సినిమాలు, మరోవైపు యంగ్ హీరోలతో సినిమాలు చేస్తున్న సితార ఎంటర్టైన్మెంట్స్ తమ సంస్థలో 27వ సినిమాగా దీనిని ప్రారంభించారు.
ఎప్పటిలాగే ఈ సినిమాకు కూడా త్రివిక్రమ్‌ (Trivikram) భార్య సాయి సౌజన్య కూడా సహ నిర్మాతగా వ్యవహరిస్తున్నారు. ఈ సినిమాలో మరోసారి తెలుగమ్మాయినే హీరో తీసుకున్నారు. గతంలో సితార బ్యానర్‌లో నటించి శ్రీ గౌరీ ప్రియనే (Sri Gouri Priya) ఈ సినిమా హీరోయిన్‌. సితార, ఫార్చ్యూన్ ఫోర్ కలసి తెరకెక్కించిన ‘మ్యాడ్’ (MAD) సినిమాలో ఆమె ఓ కథానాయిక అనే విషయం తెలిసిందే. ఇక రొమాంటిక్ కామెడీ డ్రామాగా రూపొందుతున్న ఈ సినిమాను ఉద్భవ్‌ అనే కొత్త రచయిత తెరకెక్కించనున్నారు.
ముహూర్తపు సన్నివేశానికి మహేష్ బాబు సతీమణి నమ్రత (Namrata Shirodkar) ఘట్టమనేని క్లాప్ ఇవ్వగా… హీరో (Ashok Galla) తల్లి పద్మ గల్లా, మంజుల (Manjula) స్వరూప్ చిత్ర బృందానికి స్క్రిప్ట్‌ అందజేశారు. సినిమా అమెరికా నేపథ్యంలో సాగుతుందట. సెప్టెంబర్ నెలాఖరు నుండి రెగ్యులర్ షూటింగ్ ఉంటుంది అని చెబుతున్నారు. కడుపుబ్బా నవ్వించే కామెడీతో పాటు, హృదయాన్ని హత్తుకునే డ్రామా కలగలిపి ఈ సినిమాను తెరకెక్కిస్తారట. ఈ సినిమాలో మరో జోడీ కూడా ఉందట. రాహుల్ విజయ్ (Rahul Vijay), శివాత్మిక రాజశేఖర్ (Shivathmika Rajashekar) ఆ జోడీగా కనిపిస్తారట.
‘హీరో’ సినిమాతో హీరోగా ఎంట్రీ ఇచ్చిన అశోక్‌ (Ashok Galla) .. రెండో సినిమాగా ‘దేవకీ నందన వాసుదేవ’ (Devaki Nandana Vasudeva) అనే సినిమాలో నటించాడు. ప్రశాంత్‌ వర్మ (Prasanth Varma) అందించిన కథతో అరుణ్‌ జంధ్యాల (Arun Jandyala) ఆ సినిమాను తెరకెక్కిస్తున్నారు. ప్రచార చిత్రాలు అయితే ఆకర్షణీయంగా ఉన్నాయి. మరి సినిమా ఎప్పుడొస్తుందో, ఎలా ఉంటుందో చూడాలి.
Home