Ashu Reddy, RGV: ఆర్జీవీ మాటలకు మండిపడ్డ బిగ్ బాస్ బ్యూటీ!

సంచలన దర్శకుడు రామ్ గోపాల్ వర్మ ఈ మధ్యకాలంలో ఓటీటీలు, యూట్యూబ్ అంటూ చాలా బిజీగా గడుపుతున్నాడు. వివాదాస్పద ఇంటర్వ్యూలతో వార్తల్లో నిలుస్తున్నాడు. ఈ మధ్యనే ‘బోల్డ్ ఇంటర్వ్యూ’ అంటూ అరియానాతో సందడి చేసిన వర్మ ఇప్పుడు మరో బిగ్ బాస్ బ్యూటీని టార్గెట్ చేశారు. బిగ్ బాస్ సీజన్ 3లో కంటెస్టెంట్ గా పాల్గొన్న అషురెడ్డి సోషల్ మీడియాలో బాగా పాపులారిటీ సంపాదించుకుంది. తాజాగా ఈ బ్యూటీ వర్మను చెంప పగిలేలా కొట్టింది.

అయితే అది నిజంగా కాదులెండి. అరియానాతో ఇంటర్వ్యూ ప్లాన్ చేసినట్లుగానే.. అషురెడ్డితో కూడా ఓ ఇంటర్వ్యూ ప్లాన్ చేశాడు వర్మ. దీనికి సంబంధించిన ప్రోమోను విడుదల చేశారు. ఓ కాఫీ షాప్ లో ఉన్న అషురెడ్డి దగ్గరకు వర్మ వెళ్లారు. ఆయనే స్వయంగా పరిచయం చేసుకొని మాట్లాడడానికి ప్రయత్నించాడు. అషురెడ్డి ఆయనెవరో తెలియదన్నట్లుగా ప్రవర్తించింది.

ఆ తరువాత ఆమెతో మాటలు కలుపుతూ.. ఆమె కాళ్ల వైపు చూస్తూ ‘మీ థైస్ బాగున్నాయని’ కాంప్లిమెంట్ ఇచ్చాడు. అది విన్న అషురెడ్డి.. వాట్ ద **** అంటూ ఆర్జీవీ చెంప చెళ్లుమనిపిస్తుంది. ఈ ప్రోమోను బట్టి వీరిద్దరూ తమ తమ పాత్రల్లో జీవించేశారనిపిస్తుంది. ఈ వీడియో సెప్టెంబర్ 7న ప్రేక్షకుల ముందుకు రానుంది.

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!