Venu Swamy: వేణు స్వామి ‘బిగ్ బాస్ 8’ లో భాగం కానున్నాడా?

‘బిగ్ బాస్’ రియాలిటీ షో.. నార్త్ లో బాగా సక్సెస్ అయిన షో. ఆ తర్వాత సౌత్ లోని అన్ని భాషల్లో దీనిని ప్రారంభించారు. అన్ని చోట్లా సక్సెస్ అయ్యింది. ముఖ్యంగా తెలుగులో ఈ షో సూపర్ సక్సెస్ సాధించింది అని చెప్పొచ్చు. మొదటి సీజన్ ను ఎన్టీఆర్ హోస్ట్ చేయడం వల్ల.. ఈ షోకి మంచి మైలేజ్ ఇచ్చినట్టు అయ్యింది. ఆ తర్వాత నాని హోస్ట్ చేయగా కాంట్రోవర్సీల వల్ల.. టి.ఆర్.పి విషయంలో రికార్డులు దక్కాయి.

ఇక 3వ సీజన్ నుండి అక్కినేని నాగార్జున (Nagarjuna) హోస్ట్ చేస్తూ వస్తున్న సంగతి తెలిసిందే. 5 సీజన్లు ఆయన సక్సెస్ ఫుల్ గా పూర్తిచేశారు. ఓటీటీ సీజన్ తో కూడా కలుపుకుంటే 6 సీజన్లు అని చెప్పాలి. ఇదిలా ఉండగా.. బిగ్ బాస్ 8వ సీజన్ త్వరలో ప్రారంభం కానుంది. దీనికి కూడా నాగార్జునే హోస్ట్ చేస్తారా? అనేది తెలియాల్సి ఉంది. మరోపక్క ఈసారి బిగ్ బాస్ కి వెళ్లే కంటెస్టెంట్ల గురించి అయితే డిస్కషన్స్ జోరుగా జరుగుతున్నాయి.

ఈ సీజన్లో పాల్గొనడానికి చాలా మంది ఫేడౌట్ అయిపోయిన ఆర్టిస్ట్..లు, సోషల్ మీడియా సెలబ్రిటీలు.. అప్లై చేసుకున్నట్లు సమాచారం.మరోపక్క బిగ్ బాస్ యాజమాన్యం కూడా ఆనవాయితీ ప్రకారం.. కొంతమంది పాపులర్ సోషల్ మీడియా సెలబ్రిటీలను సంప్రదించడం జరిగిందట. ఆ లిస్ట్ లో సెలబ్రిటీల జాతకాల గురించి వీడియోలు చేసే వేణు స్వామి కూడా ఉన్నట్లు తెలిసింది. బాబు గోగినేని వల్ల మొదట ఈయనకు బాగా పబ్లిసిటీ దొరికింది.

ఆ తర్వాత సమంత (Samanha) – నాగ చైతన్య (Naga Chaithanya) విడాకుల వల్ల బాగా హైలెట్ అయ్యాడు. ఆ తర్వాత స్టార్ హీరోల గురించి అలాగే ఏపీ, తెలంగాణ ఎన్నికల గురించి తన విశ్లేషణలు చెప్పి విమర్శల పాలయ్యాడు. ఏపీ ఎన్నికల ఫలితాల తర్వాత వేణు స్వామి బాగా డల్ అయిపోయాడు. ఈ క్రమంలో బిగ్ బాస్ కి వెళ్లి ఫ్యామిలీ ఆడియన్స్ కి దగ్గరవ్వాలని భావిస్తున్నట్టు ఇన్సైడ్ టాక్. బిగ్ బాస్ యాజమాన్యం కూడా ఈయన్ని కచ్చితంగా సీజన్ 8 లో భాగం చేయాలని ప్రయత్నిస్తున్నట్టు సమాచారం.