Aswani Dutt: నా నిర్మాణంలో అదే చివరి చిత్రం కావాలి: అశ్వినీ దత్

August 13, 2022 / 02:55 PM ISTByFilmy Focus

Join Us

Aswani Dutt: నా నిర్మాణంలో అదే చివరి చిత్రం కావాలి: అశ్వినీ దత్

గత కొన్ని దశాబ్దాల నుంచి తెలుగు సినిమా ఇండస్ట్రీలో ఎన్నో అద్భుతమైన కుటుంబ ప్రేమ కథ చిత్రాలను తెలుగు ప్రేక్షకుల ముందుకు తీసుకువచ్చిన ప్రముఖ నిర్మాణ సంస్థ శ్రీ వైజయంతి మూవీస్ బ్యానర్ గురించి చెప్పాల్సిన పనిలేదు. శ్రీ వైజయంతి మూవీస్ బ్యానర్ ద్వారా నిర్మాత అశ్వినీ దత్ ఎన్నో అద్భుతమైన సినిమాలను ప్రేక్షకుల ముందుకు తీసుకువచ్చారు. తాజాగా ఈయన నిర్మాణంలో వచ్చిన సీతారామం సినిమా అద్భుతమైన విజయాన్ని అందుకుంది.

ఈ క్రమంలోనే నిర్మాత అశ్వినీ దత్ ఆలీతో సరదాగా కార్యక్రమంలో పాల్గొన్నారు.ఈ సందర్భంగా ఆయన గతంలో తన బ్యానర్లో ప్రేక్షకుల ముందుకు వచ్చి సూపర్ హిట్ చిత్రంగా నిలిచిన జగదేకవీరుడు అతిలోకసుందరి సినిమా గురించి పలు ఆసక్తికరమైన విషయాలను వెల్లడించారు. ఈ సినిమా గురించి తాను ఎప్పుడు తలుచుకున్న ఏదో తెలియని ఆనందం కలుగుతుందని తెలిపారు. ఇంత అద్భుతమైన చిత్రాన్ని రాఘవేంద్రరావు దర్శకత్వంలో అశ్వినీ దత్ నిర్మాణంలో ప్రేక్షకుల ముందుకు తీసుకువచ్చారు.

ఈ సినిమా అప్పట్లో ఎలాంటి విజయం అందుకుందో మనకు తెలిసిందే. ఇందులో మెగాస్టార్ చిరంజీవి నటన, శ్రీదేవి దేవకన్యల అమాయకపు నటనతో ప్రేక్షకులను ఎంతగానో ఆకట్టుకున్నారు.ఇకపోతే తాజాగా ఈ కార్యక్రమంలో పాల్గొన్న ఈ సినిమా సీక్వెల్ గురించి మాట్లాడుతూ ఎప్పటికైనా ఈ సినిమా పార్ట్ 2 చేయాలన్నదే తన కోరిక అని, ఇదే తన నిర్మాణంలో ఆఖరి చిత్రం అంటూ కూడా వెల్లడించారు. ఈ సినిమాకి సీక్వెల్ చిత్రం చేయాలని ఎప్పటినుంచో ఉంది. అయితే ముందుకు సాగలేకపోతుందని అశ్వినీ దత్ వెల్లడించారు.

ఇకపోతే ఈ సినిమా ఎవరితో చేయాలనుకుంటున్నారని అలీ ప్రశ్నించగా అశ్వినీ దత్ చెప్పిన మాటలను వినపడకుండా కట్ చేశారు.ప్రస్తుతం ఈ ప్రోమో వైరల్ గా మారింది. అయితే ఈయన ఈ సినిమాని ఎవరితో చేయాలనుకుంటున్నారో తెలియాలంటే పూర్తి ఎపిసోడ్ ప్రసారమయ్యే వరకు వేచి చూడాలి. అయితే ఈ సినిమా గురించి చిరంజీవి మాట్లాడుతూ ఈ సినిమా తప్పకుండా రామ్ చరణ్ శ్రీదేవి కూతురుతో చేయాలన్నదే తన కోరిక అని గతంలో వెల్లడించారు. మరి అశ్వినీ దత్ ఆలోచనలో ఎవరు ఉన్నారో తెలియాలంటే వేచి చూడాలి.