‘అశ్వథ్థామ’ 4 డేస్ కలెక్షన్స్

నాగ శౌర్య, మెహ్రీన్ జంటగా నటించిన తాజా చిత్రం ‘అశ్వథ్థామ’. రమణ తేజ దర్శకత్వంలో తెరకెక్కిన ఈ చిత్రం జనవరి 31న విడుదలైంది. ‘ఐరా క్రియేషన్స్’ బ్యానర్ పై ఉషా మూల్పూరి నిర్మించిన ఈ చిత్రం మొదటి షో తోనే హిట్ టాక్ ను సొంతం చేసుకుంది. ‘డీసెంట్ థ్రిల్లర్.. ఎంగేజింగ్ థ్రిల్లర్’ అంటూ ప్రేక్షకులు ఈ చిత్రం పై ప్రశంసలు కురిపిస్తున్నారు. టీజర్, ట్రైలర్ విడుదలైనప్పటి నుండే ఈ చిత్రం పై మంచి క్రేజ్ ఏర్పడింది. దీంతో మొదటి రోజు డీసెంట్ ఓపెనింగ్స్ ను సాధించిన రెండో రోజు… మొదటి రోజుని మించి కలెక్ట్ చేసింది. ఇక మూడో రోజు కూడా మొదటి రోజుని మించే కలెక్ట్ చేసింది. ఇక మొదటి సోమవారం రోజున కూడా పర్వాలేదనిపించే కలెక్షన్లను నమోదు చేసింది.

ఈ చిత్రం మొత్తం 4 రోజుల కలెక్షన్ల వివరాలు ఈ విధంగా ఉన్నాయి :

‘అశ్వథ్థామ’ చిత్రానికి 7.2 కోట్ల బిజినెస్ జరిగింది. మొదటి రోజు ఈ చిత్రం 1.04 కోట్ల షేర్ ను.. రెండో రోజు 1.38 కోట్ల షేర్ ను.. అలాగే మూడవ రోజున 1.08 కోట్ల షేర్ ను, నాలుగవ రోజున 0.42 కోట్ల షేర్ ను రాబట్టి పర్వాలేదనిపించింది. మొత్తం నాలుగు రోజుల్లో ఈ చిత్రం 3.92 కోట్ల షేర్ ను రాబట్టింది. ఇంకా ఈ చిత్రం బ్రేక్ ఈవెన్ సాధించాలి అంటే మరో 3.28 కోట్ షేర్ ను రాబట్టాల్సి ఉంది. మరి రాబోయే రోజుల్లో ఈ చిత్రం పెర్ఫార్మన్స్ ఎలా ఉంటుందో చూడాలి.

Click Here to Read Aswathama Review

అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు