Jawan Movie: ‘జవాన్’ కథను కాపీ కొట్టారా..!

November 5, 2022 / 03:10 PM IST

కోలీవుడ్ స్టార్ డైరెక్టర్ అట్లీ తన కెరీర్ లో భారీ హిట్టు సినిమాలు తీశారు. ఆయన సినిమాలు వందల కోట్లు వసూలు చేశాయి. ఇప్పుడు ఈ దర్శకుడు బాలీవుడ్ లో ఓ సినిమా చేస్తున్నారు. షారుఖ్ ఖాన్ హీరోగా ‘జవాన్’ అనే సినిమాను తెరకెక్కిస్తున్నారు. ఇప్పుడు ఈ సినిమాపై కాపీ ఆరోపణలు వినిపిస్తున్నాయి. మాణిక్యం నారాయణన్ అనే నిర్మాత ఈ సినిమా కథ తనదని.. దర్శకుడు అట్లీ కాపీ చేశారని ఆరోపిస్తున్నారు.

ఈ మేరకు నిర్మాతల మండలిలో ఫిర్యాదు కూడా చేశారు. ఈ సినిమాలో నయనతార హీరోయిన్ గా నటిస్తోంది. మ్యూజిక్ డైరెక్టర్ గా రవిచంద్రన్ వర్క్ చేస్తున్నారు. ఈ సినిమాను సౌత్ లో కూడా భారీగా రిలీజ్క్ చేయాలనేది దర్శకుడి ప్లాన్. ప్రస్తుతం ఈ సినిమా షూటింగ్ దశలో ఉంది. ఇలాంటి సమయంలో సినిమాపై కాపీ ఆరోపణలు వస్తున్నాయి. 2006లో సీనియర్ హీరో విజయ్ కాంత్ నటించిన ‘పేరరసు’ సినిమా కథనే అట్లీ..

‘జవాన్’ పేరుతో తీస్తున్నారంటూ.. ఆయనపై కాపీ రైట్స్ యాక్ట్ కింద తగిన చర్యలు తీసుకోవాలంటూ మాణిక్యం నారాయణన్ అనే నిర్మాత ప్రొడ్యూసర్స్ కౌన్సిల్ లో ఫిర్యాదు చేశారు. ‘పేరరసు’ హక్కులు ఇప్పటికీ తన దగ్గరే ఉన్నాయని.. అలాంటి కథను ఎలా కాపీ చేస్తారంటూ ప్రశ్నిస్తున్నారు మాణిక్యం. మరి ఈ విషయంపై కౌన్సిల్ ఎలాంటి నిర్ణయం తీసుకుంటుందో చూడాలి!

ఇప్పటివరకు ఈ విషయంపై అట్లీ స్పందించలేదు. ‘రాజా రాణి’ సినిమాతో సూపర్ హిట్ కొట్టిన అట్లీ.. ఆ తరువాత విజయ్ తో ‘తేరి’, ‘మెర్సల్’, ‘బిగిల్’ వంటి సినిమాలను తెరకెక్కించారు. ఈ సినిమాలతో అట్లీ క్రేజ్ ఓ రేంజ్ లో పెరిగింది. అదే సమయంలో బాలీవుడ్ నుంచి షారుఖ్ ఖాన్ పిలిచి మరీ అట్లీకి అవకాశం ఇచ్చారు. వచ్చే ఏడాదిలో ‘జవాన్’ సినిమా విడుదల కానుంది.